Isikkamik arsaannermi GM-ertoqarsinnaanera suli periarfissaavoq
Nalunaarusiap allanngortinneqarnarata pissutigisaanik arsaannermi GM-ertoqarsinnaanera periarfissaaleqqippoq. GM-ertoqassappalli aggustip aallaqqaataanit nalunaarusiaq allanngortoqartariaqarpoq peerneqarluniluunniit
Nunatsinni pissartanngorniunissamut anngunniuttoqassanersoq arsaattartut kattuffiata KAK-mi siulersuisut ataatsimiissapput
Tamanna KAK-mit Lars Jørgen Petersen Sermitsiaq.AG-mut ilisimatitsissutigaa.
- Namminersorlutik Oqartussat nalunaarumminni allanngueqqammerput, inuit 250-it aaqqissuussani ataatsimoorsinnaalerlutik. Taamaattumik GM-imut anngunniuttoqassanersoq siulersuisunit oqallisigineqassaaq, oqarpoq.
Nunatsinni pissartanngorniuttoqassappat allannguisoqartariaqarpoq, tassa aggustip aallaqqaataanit nalunaarusiaq allanngortoqartariaqarpoq imaluunniit atorunnaarsinneqartariaqarpoq.
Anngunniuttoqassappat allannguuteqartoqassaaq, siunnertaanikuugaluartoq, tassa Avannaani aamma Kujataani anngunniunnerit, allanngortinneqassalluni.
Kommunini pissartanngorniunnerit
- Anngunniuttoqassappat kommunini anngunniunnerit ingerlanneqassapput, tassa kommuneqatigiit imminnut unammissallutik. Namminersorlutik Oqartussat ataatsimeeqatigineqareerpata anngunniuttoqassanersoq siulersuisunit isummerfigineqassaaq, Lars Jørgen Petersen oqarpoq.
Inuusuttut pissartanngorniunnissaralui, pissutsit assigiinngitsut pissutigalugit, taamaatiinnarneqarnissaat naatsorsuutigaa. Pissartanngorniuttoqarnissaa aalajangiunneqassappat arnat aamma angutit GM-ernissaat naatsorsuutigaa.
Unammersuaarnissat taamaatiinnarneqartut sapaatip akunnerata siuliani nalunaarutigineqaraluarpoq.