Qaqortoq aamma Nuuk

Isikkamik arsaattuni oqaluttuusartoq ilisimaneqartoq Nunatsinnukassaaq

Morten Bruun arsaannermi Qaqortumi Nuummilu sungiusaassaaq

Morten Bruun tuluit spaniamiullu isikkamik arsaattut oqaluttuuffigisarpai SBS Discovery aqqutigalugu. Aarhusip idrætshøjskoleani arsaannermik sungiusaasarpoq, namminerlu kajumissutsini atorlugu aamma IF Lyngsengimi sungiusaasarluni

6'eren

netredaktion (netredaktion@sermitsiaq.ag)

ataasinng 18. maa 2015 09:16

Annonse

1992-mi EM-imi isikkamik arsaannermi kuultinnaqataasoq, 6'erenimilu arsaattunik oqaluttuusartoq Morten Bruun, Qaqortumi Nuummilu pikkorissaassaaq.

Isikkamik Arsaattartut Kattuffiat tusagassiutinut taamatut nalunaaruteqarpoq.

Morten Bruun Kalaallit Nunaannukarnissaminut qilanaaqaaq.

- Suli Kalaallit Nunaaniinnikuunngilanga. Kisianni Aarhusimi idrætshøjskolemi kalaallit arlaqartut sungiusartareerpakka. Kalaalerpassuit isikkamik arsaanneq toqqartarpaat. Isikkamik arsaanneq soqutigisaqarfigilluarpaat, nunartillu pillugu aamma oqaluttuaqartarlutik. Kalaallit Nunaanni arsaattarneq qanoq inissisimanersoq paaserusulerpara, periarfissinneqaramalu tassa Kalaallit Nunaannukartussanngorpunga, Morten Bruun tusagassiutinut nalunaarummi oqarpoq.

Morten Bruun 'B1a'-mik taaguutilimmik pikkorissaassaaq. Qaqortumi maajip 29-anit 31-at ilanngullugu pikkorissaassaaq, assinganillu Nuummi juunip tallimaanit arfineq aappaat ilanngullu pikkorissaassalluni.

timersoneq nunatsinnit