Kulusuk Nuummi GM-eqataanissamut annguppoq

Isikkamik arsaannermi angutit GM-ernissaanni TM-62 Kulusummeersut anngupput. ATA Tasiilameersut aamma K-64 Kuummiuneersut ajugaaffigaat. Tunumi pissartanngorniunnermi TM-62 aamma unammeqataassapput.

Isikkamik arsaannermi GM-imut anngunniunnermi timersoqatigiiffiit pingasut peqataapput. K-64 Kuummiuneersut, ATA Tasiilameersut aamma TM-62 Kulusummeersut imminnut juulip aallartinnerani unammillutik.

Unamminerit pissanganartut
- Tunumi pissartanngorniuttoqarnissaa pissutigalugu GM-imut anngunniunnerit juulip aallartinnerani inissippagut. Tasiilameersut pigisaanneersullukiisalu Illoqqortoormiullu pigisaanniittut peqataaffigisassaraat, ATA-mit Harald Mathæussen Sermitsiaq.AG-imut oqarpoq.

ATA aamma TM-62 unammimmata pissanganartumik unammipput, TM-62 1-0-imik ajugaapput.

ATA pissanganartumik K-64-imut unammeqqippoq, ATA 3-2-mik ajugaalluni.

Unamminermi kingullermi K-64 aamma TM-62 unammimmata TM-62 3-2-mik ajugaavoq.

Isikkamik arsaannermi GM aggustimi ingerlanneqassaaq timersoqatigiit arfineq pingasut peqataaffigisaannik. GM-imi aaqqissuisut NÛK anngutereerpoq.