NÛK arnat futsalimik pissartanngorniutivinnerini ajugaapput
Sapaatip akunnerata naanerani arnat futsalimik nunatsinni pissartanngorniutivinnerat Sisimiuni ingerlanneqarpoq
NÛK-p arnatai futsalimik nunatsinni pissartanngorput.
Tamanna iligiit pissartanngorniutivinnermi I-69-mut 7-3-mik ajugaareernerisa kingorna pivoq. Nunatsinni pissartanngorniutivinneq sapaatip akunnerata naanerani Sisimiuni ingerlanneqarpoq, pissartanngorniutivinnermi iligiit arfineq-pingasut peqataapput. Taamaasilluni NÛK futsalimik pissartanngorniutivinnermi ukiut pingajussaanni pissartanngorpoq.
Pissartanngorniutivinnermi NÛK isertitsisut tassapput Laila Brandt (pingasut), Karo Dahl (marluk) Lisa M Petersen aamma Apollonie Kreutzmann tamarmik (ataaseq). I-69-mut isertitsisut tassapput Vaya Semionsen, Camilla Lauritzen tamarmik ataaseq Pilunnguaq Chemnitzilu imminut isertitsisuulluni.
Pissartanngorniutivinnerni inissinnerit:
NÛK, Nuuk
- I-69, Ilulissat
- B-67, Nuuk
- S-68, Sisimiut
- UB-68, Uummannaq
- SAK, Sisimiut
- Nagdlunguak', Ilulissat
- KB-84, Kangaatsiaq
Pitsaanersiukkat:
- Najakkuluk Olsen, målmand, S-68
- Arnaq B. Egede, NÛK
- Ida Julie Andersen, NÛK
- Evita Grønvold, UB-68
- Mikkala Tobiassen, I-69
Akersuutillammak:
- Nukannguaq Lukassen, UB-68
Arsalerillammak:
- Mikkala Tobiassen, I-69
Ukiumi arsallammak:
- Arnaq B. Egede, NÛK