Pakassumminnermi VM
Pakassummittartoq VM-imi peqataarngaartoq
Malaysiami pakassumminnermi nunarsuarmi pissartanngorniuttoqaleruttorpoq. Kalaaleq peqataasoq Minik Sune Trondheim Johansen unammeqataaqqaarpoq
Annonse
Pakassumminnermi Kalaallit Nunaat siullerpaamik nunarsuarmi pissartanngorniunnermi peqataatitaqaqqaarpoq.
Peqataasoq tassaavoq nuummit Minik Sune Trondheim Johansen. Malaysiami Kuala Lumpurimi unammeqataavoq.
90 kilo ataallugit unamminerni peqataavoq, ullumi sisamanngornermi peqataarngaarluni.
Misigisangaatsiaq
Ajoraluartumik peqataarngaarnermini marloriarluni peqataanermini marloriarluni ajorsarpoq. Tassani saamimmik unammipput.
- Peqataasut akornanni 19-sut inissippunga. Nuanneqaaq nerrivimmukaraanni adrenalin aallartarami nuannersumik kisianni suli aamma aqagoqarpoq, Minik Sune Trondheim Johansen Sermitsiaq.AG-mut oqarpoq.
Aqagu tallimanngornermi talerpik unammissutigineqassaaq.