Pissartanngorniutivinnerni ataqqinninnerit malunnartinneqassapput
Kalaallit Nunaanni Timersoqatigiit Kattuffiata ileqqorissaarneq, ikinngutigiinneq naleqartitsinerlu Kalaallit Nunaanni Pissartanngorniutivinnernimalunnartinneqassapput
Ukioq manna Kalaallit Nunaanni Pissartanngorniutivinnerni timersornermi ileqqorissaarneq qitiutinneqassaaq,
ileqqorissaarnikkummi timersorneq nuannersuusoq pissanganartuusorlu misigineqartarmat.
Kalaallit Nunaanni Timersoqatigiit Kattuffiat tusagassiuutinut nalunaarummi taama paasissutissiivoq.
- Uani paasititsiuniummi anguniarparput ‘timersortartuuneq’ qanoq ittuunersoq pilersinniarlugu, assersuutigalugu
ileqqorissaarnikkut, ataqqeqatigiinnikkut, ikinngutigiinnikkullu il.il. Kalaallit Nunaanni Timersoqatigiit Kattuffiani allatsi oqarpoq nangillunilu:
- Amerlasuunik peqqittunik timersornerup silarsuaani ambassadøreqarpugut, eqqaamassavarpulli peqataasut
assigiinngitsutigut isigineqassammata. Assersuutigalugu timersortartutut isiginnaartutulluunniit dommerit qanoq
kiinnerfigissanerigut. Sungiusaasutut aqutsisutulluunniit saavani qanoq pitsaasumik ingerlassanersugut.
Erfalasulersuisoqarniartoq
Paasititsiniut sapaatip akunnerisa arfineq-pingajuanni aallartippoq, neriuppugullu Kalaallit Nunaanni Pissartanngorniutivinnerit poorskip nalaani aallartippata erfalasut ilisarineqarumaartut.
- Nalunngilarput unamminerit sakkortusinnaasartut pissusissamisoorporlu tamaviaarneq kiinnernerlu, ataqqinninnerli
attanneqartuassaaq eqqaamaneqartassallunilu unammereernerup kingorna qujaniarneq takutinniarlugu
assattarnissaq, Carsten Olesen oqarpoq.
Carsten Olesen naapertorlugu Kalaallit Nunaanni Timersoqatigiit Kattuffiat, aamma kattuffiit peqatigalugit, assit atorlugit
pitsaasumik takutinniarsimavarput paasititsiniummi oqaatsit atorneqartut saqqummiussallugit.
- Oqaatsit timersornerup silarsuaani ileqqorissaarnermut ersersitsisut ukuupput Ileqqorissaarneq, Maligassiuineq
aamma Timersortartorpalaarneq, timersoqatigiit kattuffiat allappoq.