Sisimiut
Sila issikkaluartoq Sisimiuni atuartut sukataartut
Teknikimik Ilinniarfimmi Sisimiuniittumi atuartut timersortinneqarput atuartut 100-t
Sisimiuni Teknikimik Ilinniarfimmi atuartut tallimanngormat timersorneq ulloritinneqarpoq. Atuarfimmi 300-t missaat atuartuupput. Sisimiuni GUX-ip aaqqissugaanik timersortitsisoqarpoq.
Sila 21-nik issippoq, taamaattumillu atuartut ilaat peqataanatik. Peqataasulli sukataarluarput.
Sanaartornermik ilinniarfimmi atuartut misilitsittussaanertik pissutigalugu peqataanngillat. GUX-imi atuartut aamma Aatsitassarsiornermik atuarfimmi atuartut unammitinneqarput.
Taakku klassikkaarlutik unammipput. GUX-imi atuartut 3.XYZ1-it ajugaapput. GUX Sisimiuni atuartut 3.a aappaattut inissipput, Aatsitassarsiornermillu atuarfimmi atuartut pingajuattut inissillutik.
Timersoriaatsit assigiinngitsut qulingiluat unammissutaapput. Ajugaasut Taseralimmi biografernissamut akissarsitinneqarput.
- Ulloq nuannersumik atorparput. Sila issippoq seqinnarillunilu. Timersoriaatsini assigiinngitsuni unamminerni atuartut sukataarluarput, timersornermik ulloqartitsinermi ataqatigiissaarisoq Louise Munk Andersen oqarpoq.
- Atuartut ataqatigiinnerulersarput taamatut ulloqartitsisoqaraangat. Allanimmi sammisaqartinneqartarput, taamaattumik ilinniartitsisutut tamanna takullugu nuannerpoq, Louise Munk Andersen oqarpoq.
Assit ataani takukkit