Simon Kjærip Lewandowski paarissavaa

Nunarsuarmi saassusillaqqinnerpaat akornanniippoq sanngiiffeqarpiaranilu. Sukkasuujuvoq niaqquminik nissunilu tamaasa atorlugit isertitseriallaqqissuuvoq, unammisartoqatini arsaqatigilluarsinnaavai periarfissamillu atorluaallaqqilluni.

Tallimanngornermi Danmarkip Bayern Münchenimi arsaattartoq paarilluarniarsarisussaavaa, Simon Kjærilu pilersaarummi qitiutinneqarpoq. VM-imimut anngunniunnerup pingaaruteqaqisup aallartinnginnerani sungiusaasoq Åge Hareidep oqaatigaa.

- Simon Kjærip tunuarsimasuni misilittagai taassuma paariniarneranut atorluassavagut. Taanna saassussisartut arsallaqqissut naapittareersimavao Lewandowskisulli ittumik paarsinissamut ajukkunnaateqanngilaq.

- Taassuminngarnit siulliiniarnissaq pingaaruteqarpoq, sungiusaasoq oqarpoq.

Simon Kjærip Lewandowski pillugu "verdensklasse" atorpaa, taannami VM-imimut anngunniunnerit maanna killiffigisaanni aqqanilinnik isertitaqarallarpoq.

Danskillu anføriata Lewandowski kisiat pivallaaqqunagu mianersoqqussutigaa.

- Taanna kisiani 100 procentimik eqqarsaatigissanngilarput, ilisimavarpummi taanna allanik pikkorissunik arsaattartoqateqarmat.

- Taanna unammisartoqatimi akornanni unamminermik allannguisartuuvoq, paarilluarsimagaannilu, arsarluartoqarsimassaaq, kisianni unammisartunik allanik pikkorissoqarpoq, taakkumi peqatigiiffigisaat takuinnarneqarsinnaapput, Kjær oqarpoq.

Ilanngullugu tikkuarpaa isaatitsartup paarineqarnissaa inummit ataasiinnarmit pissanngimmat. Tamanna unammisartoqatigiit tamarmik akisussaaffigaat.

- Kisimiilluni paarisassaanngilaq. Arlaliusariaqarpoq. Ataqqineqartariaqarlunilu, Simon Kjær oqarpoq.

Tallimanngornermi Danmarkip Polenillu unamminerat 20.45 aallartissaaq (danskit nalunaaqutaat malillugu)

/ritzau/