Sisorartartut illinersiorput
Kalaallit sisorarlutik unammisartut sungiusarput. Ilaatigut World Cup-imi Arctic Winter Gamesinilu peqataassapput
Nunani avannarlerni nunatsinnilu sisorartartut unammisartut 2011/2012-mi sisorarnissaminnut piareersalereersimapput.
Martin Møller 2012-mi Vasaloppetimi peqataanissaminut piareersarpoq, tassaavorlu FIS-løb tassaallunilu ujakkaartartunut nunarsuarmi tamarmi maratonernemrut assingusoq.
Aamma Italiami, Tysklandimi soorunalumi aamma Arctic Circle Racemi ujakkaarnissaminut piareersarpoq.
Martin Møllerip anguniarpaa VM 2013-mi peqataanissami 2014-imilu OL-imi, taakkununnga anngunnissamut piareersarnerullutik.
Niviaq Chemnitz Østrigimi sungiusariaqqammerpoq, Norgemilu beitostølenimi World Cupimi peqataanissani siunniullugu. 2010/2011-mi anngunnera ukiumi ataatsimi atussaaq, taamaalilluni februaarip tungaanut World Cupimut anngulluni. World Cupimiujakkaarneq arsaannermi champions leaguemut assinguvoq.
Niviaq aamma Karl-Peter Kristensen Troms Skikredsimiipput. Maannakkut Finlandimi Mouniomiipput ulluni 14-ni sungiusarlutik, ilaatigut tassani unammissallutik nunarsuarmi sisorallammaat peqatigalugit.
Karl-Peter Kristensen angajullerni siullerniipput, maannakkullu U-23-it Vm-ernissaannut anngunniassalluni, taannalu februaarimi Tyrkiami aaqqissuunneqassaq.
Nunatsinni pisareersarneqaleruttorpoq kikkut Arctic Winter Gamesimi peqataassanersut, tamannalu pissaaq Sisimiut Winter Gamesit sapaatip akunnerani 47-mi ingerlanneqarnerani, sungiusaqatigiinnermi AEG-mullu toqqaanermi.