Timersornermut 200.000 koruunit

Meeqqanut inuusuttunullu timersorumatuunut Royal Greenland 200.000 koruuninik aningaasaliissuteqarpoq

Kalaallit Nunaanni Timersoqatigiit Kattuffiata siulittaasua Nuka Kleemann Royal Greenlandillu pisortaanera Mikael Thinghuus ukiut tallimassaa ingerlatiinnarlugu sponsoritut nutaamik isumaqatigiissuteqarput illua'tungeriit nuannaarutigisaannik. Ass.: GIF

Redaktionen

ataasinng 14. nov 2011 12:24

Annonse

Kalaallit Nunaata Timersoqatigiit Kattuffiata Royal Greenlandillu nutaamik sponsorimik isumaqatigiissuteqarnerisigut meeqqat inuusuttullu amerlanerusut timersorsinnaalerput. Ukiut tallimassaa ingerlatiinnarlugu taamatut isumaqatigiissuteqartoqarpoq.

Isumaqatigiissut tallimanngormat atsiorneqarpoq, tassuunalu qulakkeerneqassaaq timersortartut ukioqatiminnik unammiartorlutik aallarsinnaanerat nunatsinnilu timersuumminnik pissartanngorniunnermi peqataasinnaanerat.

Isumaqatigiissut, 200.000 koruuninik aningaasartalik, GIF-imit atorneqassanngilaq, toqqaannartumilli specialforbundinut ingerlatinneqassallutik, tassani aningaasat peqatigiiffinnut agguaanneqassallutik meerarpassuarnut inuusuttorpassuarnullu iluaqutaasumik.

timersoneq nunatsinnit