assit takukkit:
Tonny Fisker 2016-mi timersullammanngorpoq
Meino Pedersen, snowball Nuuk-meersoq 2016-mi piukkunnaatilittut nersornaatisitinneqarpoq
Arctic Winter Gamesimi guldinnannikoq Tonny Fisker Kommuneqarfik Sermersuup 2016-mi timersornikkut malunnaatilinnut nersornaatinik ippassaq agguaammat timersullammanngorpoq.
- Inuppassuit ulluinnarni piffissaqarlutik tamatsinnut isumassarsiorfiulluartartutut nuannaarutaasartutullu timersortartut nalliuttorsiutigaavut. Inuppassuit ukiumiit ukiumut immikkut iliuuseqarlutik aamma sulinertik aqqutigalugu allanut maligassiuilluartuusut nalliuttorsiutigaavut. Kajumissutsiminnik sulisutuulli maligassiuilluartut pisariaqartippavut, taamaattumik timersortartuususi kakkaqisusi tamassi timersornikkut tunniussaqartarnissinnut, ilissi immissinnut innuttaasullu kikkulluunniit pillugit suliniuteqartarnissinnut qutsavigaassi, borgmesterip Asii Chemnitz Narupip oqaaseqarnermini ilaatigut oqarpoq.
Tonny Fiskerip guldinnannermini oqaaseqarnera uani takujuk
Kingorna qaaqqusisut scenemut qaqipput alutornartumik takutitsillutik, akissarsiat diplomillu isiginnaartunit nuannarineqaqisumik agguaaneqarlutik. Diplomip saniatigut 2016-imi gultinnattunut kommune agguaassivoq timersornerup silarsuaani makkunani immikkut nersorinninniarluni:
- Ukioq 2016-imi timersullammammut akissarsiassoq tassaavoq: Tonny Fisker, Inuit Games
- Ukioq 2016-imi aqutsisuullammak tassaavoq: Pavia Tobiassen, Qajaq Nuuk
- Ukioq 2016-imi sungiusaasuullammak tassaavoq: Stine Leth, Nuuk Gymnastik
- Ukioq 2016-imi hold-i tassaapput: IT-79, Futsalimi pissartat
- Ukioq 2016-imi piginnaanilissuaq tassaavoq: Meino Pedersen, Freestylemik sisorartartoq
- Tamakku saniatigut Kajumissaat uunga tunniunneqarpoq: Anthon M. Petersen, Tour de Nuuk
Nersorniaanermit assit uani takukkit