Ukiumi timersullammaat Narsami toqqarneqartut
Narsap timersortarfiani sapaatiummat ualikkut aaqqissuussinermi ukiumi timersullammaat toqqarneqarput allarpassuartigullu aliikkusersuisoqarluni
Isikkamik arsarluni unammisartoq Klaus Ludvigsen ukioq manna timersullammattut toqqarneqarpoq. Ukiorpassuarni Narsami arsaattartut N85-ikkut unammeqatigisarsimavai, nuannarineqaqaaq ikinngutaalluarlunilu, aamma sungiusartarnini ajunngivissumik ingerlattarsimavai.
Maanna ukioqqortusilersimavoq "utoqqasaanngorsimallunilu", taamaammat Narsami unammisatoqatini taarserlugit Utoqqasaat arsaattartuinut ilannguttariaqalerluni.
Sulili timersortarfiup timigissartarfiani sungiusartarpoq, Inuusuttunut maligassiuilluartuuvoq.
Ukiumi sungiusaasuullammak
Susanne G. Lynge ukioq manna sungiusaasuullammattut toqqarneqarpoq, Susannep meeqqat inuusuttullu illup iluani silamilu arsartartut sungiusartarpai, angusaqarfiulluartartumik.
Ukiumi piukkunnaatilik
U-15 futsal spilleren Tukummeq Egede blev kåret som årets talent. Ved GM i Ilulissat kæmpede Narsaqs U-15 piger sig til en 3'plads, og Tukummeq Egede blev holdets topscorer med 14 mål.
Kajumissaasiinerit
Timersullammannik toqqaanerup saniatigut Karl Josenius aamma Olaf Petersen illoqarfimmi timersortarnermi tunniussimalluarlutik suliaqartarnertik pillugu kajumissaaserneqarput. Karl Josenius illoqarfiup arsaattarfittaavanut illersuisuuvoq, ullaat tamaasa sila qanorluunniit ikkaluaraangat arsaattarfik qanoq innersoq misissoriartortarpaa.
Nuannersumik aliikusersuineq
Aaaqqissuussinermi assigiinngitsutigut aliikkusersuisoqarpoq, nuannersunik nipilersortoqartarluni. Pingaartumik Narsap Atuarfiani 1. klassit erinarsorlutillu qitikkamik nuannersartitseqaat.