Ingerlatseqatigiiffik
80 Mile Plc, White Flame Energy aqqutigalugu Tunumi Jameson Landimi ujarlernissamut
akuersissummik piginnittuusoq, sumiiffik uuliasiorfiit sinneruttut annersaasa
13-issarigaat isumaqarpoq.
Ingerlatseqatigiiffik
80 Mile Plc, White Flame Energy aqqutigalugu Tunumi Jameson Landimi ujarlernissamut
akuersissummik piginnittuusoq, sumiiffik uuliasiorfiit sinneruttut annersaasa
13-issarigaat isumaqarpoq.
Suliffeqarfiup
Amerikamiut immikkut ilisimasallit arlaannaannulluunniit attuumassuteqanngitsut
Sproule ERCE-meersut sumiiffimmi tassani piiaanissamut periarfissanik
naatsorsuiartortippai, taakkualu naliliinerat naapertorlugu siusinnerusukkut
missingersuusiarineqartunit piiaaffissaq annertunerusinnaavoq.
Suliffeqarfiup
pingasunngornermi ullaakkut Londonimi New Yorkimilu aningaasanik niuerfinni
nalunaarutaa naapertorlugu Jameson Landimi uulia nappartat 13 milliardit
missiliorlugit annertutigissangatinneqarpoq.
Suliamut pingaarutilik
Roderick
McIlree, 80 Mile-imi pisortaaneq, naapertorlugu naliliineq nutaaq suliniummut pingaaruteqarpoq,
tassami Amerikami nukissiornermik suliaqarfimmi siullermeerluni
pisortatigoortumik akuerineqarpoq.
"Tamatuma
pingaaruteqassusaa annertunaarneqarsinnaanngilaq. Europap Kitaata piffissami
kingullermi aningaasaqarniarnera naalagaaffiup aningaasaliissutinut
aningaasaateqarfii Nordsømi uuliamik tunngaveqarput, maannalu Kalaallit Nunaat
assingusunik piiaaffigineqarsimanngitsumik pisuussuteqarpasippoq,“ Roderick
McIree oqarpoq.
80 Mile
Amerikami Texasimi suliffeqarfik March suleqatigalugu qanittukkut
suliniuteqalerpoq, qanittukkullu Greenland Energy Companymik
taaguuteqalerniarunarpoq.
Immikkut ilisimasalik: Paasissutissat nassuiarneqarneri
Ingerlatseqatigiiffiup
nalunaarusiaa naapertorlugu Jameson Landip qaava ilisimaneqarluartoq, aamma
„paasissutissanik nutaanik peqarpianngitsoq“, taamaattumik paasissutissat qanoq
nassuiarneqarnissaat apeqqutaasoq, GEUS-imi siunnersorti Jørgen Bojesen-Koefoed
oqarpoq.
– Tusagassiuutinut
nalunaarummi siulittuut isumalluarnartutut isikkoqarpasippoq.
Ilumoorsinnaallunilu eqqunngitsuusinnaavoq, naluarput. Tamanna paasiniarlugu
aatsitassarsiorfiit misissortariaqarput, Jørgen Bojesen-Koefoed oqarpoq.
