Danskit sanaartusagassanik suliassinneqartartut Permagreen Grønlandimik tamakkiisumik piginnittunngortut
Danmarkimi suliffeqarfik sanaartugassanik suliassinneqartartoq Per Aarsleff Permagreen Grønlandimik tamakkiisumik piginnittunngorpoq. Suliffeqarfiup taassuma suliffeqarfik kiffartuussinissamik isumaqatigiissuteqarfiusoq Inussuk piginneqataaffigaa.
Permagreen Grønlandip suliffeqarfik Pituffimmi kiffartuussinissamik isumaqatigiissuteqarfiusoq Inussuk 51 procentimik piginneqataaffigaa.
Foto: Jim Watson/Reuters/Ritzau Scanpix
Suliffeqarfik sanaartugassanik suliassinneqartartoq Permagreen Grønland allamit pigineqalerpoq.
Suliffeqarfimmimi tassani pisortaanerup Jeppe Bloch Steffensenip sanaartornermullu pisortap Jeppe Bloch Steffensenip Jesper J. Petersenip piginneqataassutaat suliffeqarfimmit sanaartugassanik suliassinneqartartumit Aarsleffimit pisiarineqarput.
Aviisi Licitationen suliffeqarfiit cvr-illit nalunaarsorsimaffianni paasissutissat tunngavigalugit taama allappoq.
Atuuffimminiiginnassasoq
Suliffeqarfimmi piginneqataassutini sooq tuninerini, Jeppe Bloch Steffensenip oqaatigerusunngilaa.
Permagreen Grønlandimili Inussummilu aamma pisortaaffigisamini atuuffeqaannassalluni, Sermitsiamut erseqqissaatigaa.
Permagreen Grønland ukiumi naatsorsuusiorfiusumi kingullermi 516 millionit koruuninik kaaviiaartitaqarpoq, 27 millionillu koruuninik angusaqarluni.
Permagreen Grønland kingullermik naatsorsuutini 516 mio. kr.-inik isertitaqarsimavoq, tassanilu 27 mio. kr.-inik angusaqarsimalluni.
Suliffeqarfiup taassuma suliffeqarfimmik Pituffimmi kiffartuussinissamik oqallisaaqisumik 2022-mi isumaqatigiissuteqarfiusumik, tassa Inussummik 51 procentimik piginneqataanini ilaatigut ilisimaneqaatigaa.
Aarsleff Pituffimmi kiffartuussinissamik 2022-mi isumaqatigiissusiortoqarmat, Permagreen Grønlandimi 67 procentit 89 procentillu akornannik piginneqataavoq, massakkullu tassa tamakkiisumik piginnittunngorluni.
Isumaqatigiissut milliardilikkuutaanik naleqartoq
Amerikamiut sakkutuuisa timmisartortartui Pituffimmi kiffartuussinissamik isumaqatigiissummik tunniussisuupput, isumaqatigiissullu taanna tunniummassuk ukiuni aqqaneq marlunni atuutissasoq 27,8 milliardillu koruunit tungaannut naleqartoq oqaatigaat.
Amerikamiut Vectrusimeersut Inussuk 49 procentimik piginneqataaffigaat. Pituffimmi kiffartuussinissamik isumaqatigiissutip suliffeqarfimmut kalaallit/danskit pigisaannut tunniunneqaqqinnissaa qulakkeerumallugu Inussummut tunniunneqarnissaa politikkikkut ukiuni arlalinni isumaqatiginninniartoqareersorlu tassunga tunniunneqarpoq.
Isumaqatigiissummi taanna Exelis Servicesimut 2014-imi tunniunneqarmat, suliffeqarfiup taassuma Amerikamiunit Vectrusimeersunit tamakkiisumik pigineqarnera tunngavilersuutigalugu Kalaallit Nunaannit isornartorsiorneqangaatsiarpoq.
