Destination Diskobay Denverimi
Coloradomiittumi angalatitsiviit nittarsaassinerannut Adventure Elevate North
Americamut maajimi peqataavoq.
Suliffeqarfik Aasianni Qeqertalik
Business Councilimut, kommunimi inuussutissarsiornermut
siunnersuisoqatigiinnut, ilaavoq.
Destination Diskobay Denverimi
Coloradomiittumi angalatitsiviit nittarsaassinerannut Adventure Elevate North
Americamut maajimi peqataavoq.
Suliffeqarfik Aasianni Qeqertalik
Business Councilimut, kommunimi inuussutissarsiornermut
siunnersuisoqatigiinnut, ilaavoq.
– Nunap
ilaa siuarsarniarlugu angalatitsinernillu ataqatigiissaarisartut,
soqutigisaqartut tikeraartuusinnaasullu ukkataralugit inerisaanermut
kattuffiuvugut. Takornarianut, angalatitsisunut najukkanilu sullissisunut
atassuteqaataavugut, takornariartitsiffimmi pisortaq Navarana Bidstrup Aasianneersoq
oqarpoq.
Suleqatigisinnaasat
Navarana Bidstrup USA-miinnermini
angalatitsinerni ataqatigiissaarisunik sammisassanik Qeqertalimmut
naleqquttunik neqerooruteqareersuunik angusaqarfiusumik oqaloqateqarluarpoq, namminerlu
paasissutissanik naleqquttunik ingerlatitseqqiivoq.
– Kalaallit Nunaanni Nuuk takornariarfissatut kisiat periarfissaannginnera paasititsiniutigaarput. Pingaartumik sumiiffitsinni periarfissarpassuaqarnerput, nunaqavissut takornarialerisut unnuisarfiillu misigisassarititai asseqanngitsut, paasissutissallu allat pingaarutillit angalatitsisunut soqutiginnittunullu saqqummiunnissaat angalatitsiviit Denverimi nittarsaassineranni peqataaninnut siunertaraara.
Assi: Destination Disko Bay
– Taakku
tassaapput suleqatigisinnaasagut atuisorisinnaasagullu – pingaartumik nunani
tamalaani mittarfissaq Ilulissaniittoq aappaagu atulerpat -
takornariartitsiffitta angalatitsisarnerminnut ilanngunnissaanik
aalajangiisinnaasut. Taanna ammaassillunilu sumiiffimmi takornariaqarnerup
siuarsarnissaanut periarfissanik nutaanik pilersitsissaaq, Bidstrup Sermitsiamut
oqarpoq.
Navarana Bidstrupip Kalaallit
Nunaata soqutigineqaraluttuinnarnissaa naatsorsuutigigamiuk nunap ilaata
piujuartitsisumik nunani tamalaani nuimanissaa, suleqatinut tikeraartunullu
tikikkuminartuunissaa pimoorussilluni sulissutigaa.
– Piujuartitsilluni
takornariartitsineq najukkani innuttaasunut iluaqutaallunilu tikeraartut
misigisaannut siuarsaagami uagutsinnut pingaaruteqarluinnarpoq, taanna oqarpoq.
– Piujuartitsilluni takornariartitsineq najukkani innuttaasunut iluaqutaallunilu tikeraartut misigisaannut siuarsaagami uagutsinnut pingaaruteqarluinnarpoq, Navarana Bidstrup oqarpoq.
Assi: Destination Disko Bay
Akikinnerusumik pitsaanerusumillu nittarsaassineq
Takornariartitsivimmi pisortaq Navarana
Bidstrup angalatitsiviit Denverimi nittarsaassimmata peqataagami Visit
Greenland, Explore North Greenland, Arctic Circle Business namminersorlutillu
takornariartitsisartut arlallit Kalaallit Nunaanneersut peqatigalugit
Destination Diskobayimiit Qeqertalik sinnerlugu peqataavoq.
Oqaloqatigiinnerit ataatsimiinnerillu
soqutiginartut arlallit peqataaffigineqarsinnaapput.
Ilaatigut nunarsuarmi takornariangassatut
tikitassaniit aallartitaasut ataatsimeeqatgiipput. Unamminartut, misilitakkat
ilisimasallu avitseqatigiiffiullutik, Navarana Bidstrup inuussutissarsiornermut
siunnersuisoqatigiit nittartagaani qbc.gl-imi nutaarsiassiinermini
ilisimatitsivoq.
Nittarsaassinermi – ingammik
misigisassarsiorluni takornariartitsinermik ingerlataqartunut
periarfissaagaluttuinnartumi – aningaasanik sipaarnissaq oqallinnerit ilaanni
ukkatarineqarpoq.
Visit Greenlandip angalatitsisut nittarsaassineranni nittarsaassiffiat. Ulapaarfimmi eqqissisimallatsiarnerup nalaani. – Oqaloqatigiinnissamut paasissutissiinissamulluunniit orniguttunik ilassinninnissamut piareersimalluta najuuppugut. Peqataasut amerlanerit niuernikkut ataatsimiinnernut imaluunniit ataatsimiinnernut peqataapput, taamaammat nittarsaassivik ammanerullunilu oqaloqatigiinnissamut periarfissaqarpoq, Navarana Bidstrup ilisimatitsivoq. Saarlerni saamerlermiit: Elise Bruun, Travel By Heart, aamma Navarana Bidstrup, Destination Diskobay. Qiterlerni: Lennart Olsen, Visit Greenland, aamma Magnus R. Elleby, Hotel Søma. Saarlerni talerperleq Taatsi Fleischer, Arctic Circle Business.
Assi: Destination Diskobay.
Tassani suliffeqarfiit avammut nittarsaassinerminni
aningaasanik annertuumik atuinngikkaluarlutik suliffeqarfinnik allanik
suleqateqarnikkut atuisussanullu eqqortumik apuussinikkut akikinnerusumik
nittarsaasseriaatsip aaqqiissutaasinnaanera saqqummiunneqarpoq.
Minnerunngittumillu angalatitsisartut
tikitassanik toqqaassatillutik paasissutissanillu aallerniaraangamik YouTube
atorluarneruleriartoraat paasissutissiissutigineqarpoq, Navarana Bidstrup angalatitsiviit
nittarsaassinerisa kingorna nutaarsiassiinermini oqaluttuarpoq.
Suliffeqarfiit ajutoortoqartillugu
ajornartoortoqartilluguluunniit qanoq iliuuseqarsinnaanersut immikkut ittumik
oqallisigineqangaatsiarpoq.
Ilaatigut inatsisinut tunngasut,
ajornartoorfinnillu qanoq piareersartoqarsinnaanersoq piviusuusaartitsinerit
aallaavingalugit piareersaatigineqarsinnaasut saqqummiunneqarput, takornariartitsiffimmi
pisortaq ilisimatitsivoq
Maluginiarneqarneruneq
Kalaallit Nunaat maanna Amerikami
niuerfimmiit maluginiarneqarnerusoq Navarana Bidstrupip Denverimi paasivaa.
– Newarkimiit Nuummut toqqaannartumik
timmisartuussiffik juunip 14-iani atulersoq nittarsaassinermut tassunga
peqataanitsinnut aalajangiisuuvoq, oqarpoq nutaarsiassiinerminilu ima nangippoq:
”Kalaallit Nunaanni Nuuk takornariarfissatut
kisiat periarfissaannginnera paasititsiniutigaarput. Pingaartumik
sumiiffitsinni periarfissarpassuaqarnerput, nunaqavissut takornarialerisut
unnuisarfiillu misigisassarititai asseqanngitsut, paasissutissallu allat
pingaarutillit angalatitsisunut soqutiginnittunullu saqqummiuppagut. Taamaalilluni
Qeqertarsuup tunua nunat assigiinngitsut akornanni takornariarfissatut
periarfissaanera toqqarneqarsinnaaneralu nittarsaanneqarpoq”.
Navarana Bidstrupip Visit Greenland aamma
Nalik Ventures peqataanissamut akiliut pillugu tapiisimanerannutn qutsavigai.
– Qujaffigerusuppagut
Visit Greenland aamma Nalik Ventures peqataanermut akiliut
tapiissutigisinnaasimammassuk.
– Taamaalillutik Qeqertaliup takornariarfissatut nunanut
tamalaanut nittarsaannera piviusunngortitseqataaffigaat, oqarpoq.
