Kalaallit Nunaat soqutigineqarnerulersimallunilu
soqutiginnittut amerlisimapput. Illersornissaq pillugu Ballerupimi ukioq manna
nittarsaassisoqarmat tamanna Arctic Lawip maluginiarpaa.
– Nunarsuarmi
politikkikkut pissutsit pissutigalugit Kalaallit Nunaat maanna illersornissamut
attaveqaasersuutinullu aningaasaliinissamut soqutiginarsisimavoq,
eqqartuussissuserisoq Britta Keldsen Illersornissaqarfiup suliffissuarnut
Ballerupimi nittarsaassinerata kingorna naliliivoq.
Kalaallit Nunaat soqutigineqarnerulersimallunilu
soqutiginnittut amerlisimapput. Illersornissaq pillugu Ballerupimi ukioq manna
nittarsaassisoqarmat tamanna Arctic Lawip maluginiarpaa.
– Nunarsuarmi
politikkikkut pissutsit pissutigalugit Kalaallit Nunaat maanna illersornissamut
attaveqaasersuutinullu aningaasaliinissamut soqutiginarsisimavoq,
eqqartuussissuserisoq Britta Keldsen Illersornissaqarfiup suliffissuarnut
Ballerupimi nittarsaassinerata kingorna naliliivoq.
– Suliassaqarfik
taanna aamma assigiinngitsorpassuarnik suliaqarfiusinnaallunilu
minnerunngitsumik kalaallit suliffeqarfiinut periarfissaqarluarpoq. Tamanna
ulluinnarni malugisinnaavarput, aamma Illersornissaqarfiup suliffissuarnut
Ballerupimi nittarsaassinerani malugisinnaavarput, taanna Sermitsiamut oqarpoq.
Britta Keldsenip, eqqartuussissuserisut allaffianni aamma
pisortaallunilu suleqataasup, peqataanermini Arctic Law-imi “Kalaallit Nunaanni
suliffeqarfittut nunaqavissutut Kalaallit Nunaanni sakkussiornermut ataatsimut
atatillugu niuernikkut periarfissat aqqutissiuussinissaat” oqaatigaa.
Britta Keldsenip Mads Lauritzen Evergreen Aviationimeersoq, Palle Frederiksen Deres Automeersoq, aamma Angutinnguaq Titussen Air Greenlandimeeresoq Illersornissaqarfiup suliffeqarfissuarnut Ballerupimi nittarsaassinerani peqatigai.
Assi: GE
Najuunneq Arctic Law-imut pingaaruteqarpoq, tassami
nittarsaassinerit assigiinngitsut periarfissaaleraangata
suleqatigiilersinnaaneq imaluunniit niuernermik nutaanik
ineriartortitsisinnaaneq periarfissaalertarput.
– Allatut
oqaatigalugu pisoqartillugu peqataasariaqarpugut, eqqartuussissuserisoq
Sermitsiamut oqarpoq.
Sulisitsisut aqqutigalugit nittarsaassinermut peqataaneq
aallartitatullu angalaneq maluginiarneqarnissamut periarfissaalluarpoq.
Sulisitsisut periarfissat tamaasa atorlugit
suliffeqarfiit Kalaallit Nunaannit peqataasut tamaasa nittarsaakkaangatigik
aamma iluaqutaavoq, taamaalillutik peqataasut sullitassanik nutaanik
oqaloqateqarnissaat ajornannginnerulertarpoq.
Illersornissaqarfik ammanerulersoq
Qaammataasanik sanaartornermik suliffeqarfik GomSpace
Aalborgimeersoq ukioq manna illersornissaqarfiup Ballerupimi suliffissuarnut
nittarsaassinerani peqataaqqippoq.
Lars K. Alminde GomSpacemeersoq suliffeqarfissuarnut
nittarsaassinermi nakkutilliinermut satellitsinillu attaveqarnermut
aningaasanik immikkoortitsisoqalernera pitsaasuusoq oqarpoq.
Illersornissaqarfiup suliffeqarfissuarnut Ballerupimi ukioq manna nittarsaassinerani nunanit 27-nit saqqummersitsisorpassuit 700-t missaanniipput. Atortut amerlasoorpassuupput, soorlu Britta Keldsenip matumani takusai. Taassumali Issittup illersorneqarnera angallatit nunakkoorutit anginerusut pinnagit dronet inuttaqanngitsut (imaatigut silaannakkullu) atorlugit ingerlanneqarnerussasoq naatsorsuutigaa.
Assi: Arctic Law
Illersornissamut ministereqarfiup nakkutilliinermut 3,4
milliarder koruuninik immikkoortitsilluni ukioq manna juulimi
nalunaaruteqarnera innersuussutigaa.
– Suulli
pilersaarutigineqarnersut suli paasinngilarput, malugisinnaavarpulli
illersornissaqarfiup oqaloqatigiinnissamut ammanerulaarnera, taamaammat
Issittumi imartanilu allani nakkutilliinermik pilersitsipallassinnaanitsinnik
saqqummiussinissamut periarfissaqarluarumaarluta neriuutigaarput, Alminde
oqarpoq, taannalu GomSpacemi periusissiornermut niuernerullu
ineriartortinnissaanut pisortaavoq.
