– Pingaarnertut
kissaatigaara, taamaallaat naalakkersuinermik suliaqartuinnaanngitsut
inuiaqatigiilli tamarmik paasissagaat, Kalaallit Nunaata aningaasatigut
nammineernissaanut namminersortut aqqutissaasut, taamaalillutillu aamma
aallarnisaasut.
- Taamaattumik sumut iluaqutaava Kalaallit Nunaanni
suliffeqarfiup namminersortup ingerlanniarnerannik ajornarnerulersitsinissaq.
– Pingaarnertut
kissaatigaara, taamaallaat naalakkersuinermik suliaqartuinnaanngitsut
inuiaqatigiilli tamarmik paasissagaat, Kalaallit Nunaata aningaasatigut
nammineernissaanut namminersortut aqqutissaasut, taamaalillutillu aamma
aallarnisaasut.
- Taamaattumik sumut iluaqutaava Kalaallit Nunaanni
suliffeqarfiup namminersortup ingerlanniarnerannik ajornarnerulersitsinissaq.
Taama
oqaluttuarpoq Sulisitsisuni siulittaasoq Krissie Winberg, saniatigut
aallarnisaasutut misilittagartooq, Inatsisartunngortussanut kissaatigisamini.
– Ersarilluinnarpoq.
Suliffeqarfiit namminersortut aningaasatigut siuariartornermik
ingerlatsisuupput taamaalillutillu Kalaallit Nunaata aningaasatigut imminut
napatinnissaanut tunngaviliillutik, Krissie Winberg, Kalaallit Nunaanni
inuussutissarsiornermi aallarnisaasut inissisimanerannik annertuumik
upperinnittoq oqarpoq.
– Aallarnisaasut
upperaakka. Ukiuni kingullerni suliffeqarfippassuit ingammik takornariaqarnerup
iluani pilersinneqarsimapput, aammali assassorluni suliffeqarfinnik,
taamaalilluni suliffeqarfinnik nutaanik aallartitsinissamut inuiaqatigiinni
piumassuseqartoqarluni.
Ukiuni arlalissuarni aallarnisaasoq
Krissie
Winberg maanna ukiuni arlalissuarni aallarnisaasuuvoq. 2002-mi Nuummi Café
Esmeralda pilersikkamiulli – misilittakanilu ingerlateqqikkusuttarpai.
– Aamma
tamanna malugisinnaasarpara aallarnisaasutut inuunera oqaluttuarigaangakku –
assersuutigalugu Nuummi GUX-imi. Inuusuttut qanoq aallartittoqarsinnaanersoq
soqutigisupilussuusarpaat.
– Aallartitserusunneq
qamanngaanneersuusarpoq. Piumassuseqartariaqarpoq, taamaanngippat
iluatsinnavianngilaq.
– Naalakkersuinermik
suliaqartunit pilersitassaanngilaq, tunngavissalli pitsaasuusariaqarput.
Aallarnisaasunut atukkat patajaatsuusariaqarput. Naalakkersuinermik suliallit
tamanna pilersissavaat ingammik annertoorsuarnik allannguinaveersaarlutik,
inuiaqatigiinni tunngaviusunik atukkanik allannguisunik. Inuussutissarsiortut
ingerlalluarnerusarput patajaatsunik tunngaveqaraangamik.
Krissie
Winberg naalakkersuinermik suliaqartunut tigussaasunik siunnersuuteqarpoq,
Kalaallit Nunaanni aallarnisaasuuneq nukittorsarneqassappat.
– Naalakkersuinermik
suliallit qinigaarlaat – tassalu Inatsisartunut kommunalbestyrelsinullu –
aallarnisaasunut iliuuseqarniarunik annermik uagut kissaativullu suunersut
tusaaniassavaat.
Misilittagarpassuit
– Nammineq
aallarnisaasunngorniarninni misilittagarpassuaqarpunga,
ingerlateqqikkusutannik. Aallarnisaasut ininik pissarsiornerminnik
ajornartorsiuteqarajuttarput – matumanilu naalakkersuinermik suliaqartut
ikiuulluarsinnaapput. Iluaqutaassaqaarlu sumiiffinni aallarnisaasut
attaveqarfeqarnissaat, taamaalillutik ikioqatigiissinnaallutik. Tamanna
nammineq aallarniigama maqaasisimavara.
– Aamma
upperaara aallarnisaasuunerup meeqqat atuarfiani inuusuttullu ilinniarfiini
ingerlanneqartalernissaa. Pingaartuuvoq inuusuttunut takutissallugu
aallarnisaasunngornermi inuunermi takorluugaq piviusunngorsinnaasoq.
– Oqaatigeriikkattulli. Aallarnisaasuuneq naalakkersuinermik suliallit
pilersitassarinngilaat. Tunngavississavaat – aallarnisaasulli ataasiakkaat
suliffeqarfimmik aallarniiniarlutik piffissartik aningaasaatitillu atussavaat.
Matumani eqiasuittariaqarpoq, piffissaqarluni ilungersorlunilu. Aningaasanik
isertitsiniaraanni aningaasaliisariaqarpoq.
– Iluatsikkaangalli
akissarsiassaq annertusarpoq. Inunnut ataasiakkaanut inuiaqatigiinnullu.
Kalaallit Nunaannut naalakkersuinikkut anguniagassatsialak.
