Opus immami attaveqatigiinnermik pilersitsisoq

Savalimmiormiut suliffeqarfiutaat Opus umiarsuarnut akunnittarfinnullu internetimik, attaveqaasersuutinut isiginnaarutinullu atortunik pilersuisuullunilu nammineerluni TV-kkut aallakaatitsinikkullu oqarasuaatini angallattakkani, tablettini imarsiornermilu qarasaasiani atorneqarsinnaasunik pilersitsisimavoq. 

Suliffeqarfiup Royal Greenland kilisaatini interneteqarnermut 2024-mi isumaqatigiissuteqarfigaa, aammattaarlu Pinngortitaleriffik ilisimatusarnermut umiarsuarmi Tarajumi inuttat interneteqarnissaannut 2025-mi isumaqatigiissuteqarfigaa.

Suliffeqarfik nalunaarasuartaatitigut attaveqatigiinnermi qaammataasatigut atortulersuinermi ukiuni 40-ni amerlanerusuni misilittagaqareersoq, Savalimmiuni nunanilu allani umiarsuaatileqatigiiffinnik sullitaqareerpoq.

– Uanga nammineerlunga umiartungaatsiarnikuugama ilaquttat attaveqatiginissaat qanoq arriitsigisinnaallunilu pisariutigisinnaasoq misiginikuuara. Tamatuma saniatigut aningaaseriviit attaviginissaat nittartakkakkullu pisineq pisariuvoq, Opusimi tuniniaanermut pisortaq piginneqataasorlu Svend Erik Saxov oqaluttuarpoq.

 Interneti attavigissoq

 Opus-ip attaveqaataasa aaqqissuussaanerat sananeqarnerallu internetimik sukkasuumik atuinissamut, killeqanngitsumik paasissutissanik aallersinnaanissamut sivikitsumillu akissuteqarnissamut tunngaviuvoq. TV-kkut radiokkullu internetsikkut aallakaatitat aariarlugit umiarsuarmut inuttanullu sekundinik 30-nik kingulliulaarluni nassiunneqannginnerini Opus atorlugu annikillisinneqarsinnaapput.

– Taamaammat inuttat ataasiakkaarlutik internetimut attavinillutik assigiinngitsunik isiginnaagaqarnissaannut taarsiullugu paasissutissat serveritsinnut nuuttarpagut. Katersorlugillu annikitsuararsuanngorteriarlugit sekundinik 30-nik kingulliutillugit umiarsuarmut nassiuttarpagut, tamannalu malunnaataanngilaq. Taamaaliornikkut attaveqaat attavigissoq qaffasissumillu pitsaassusilik qulakkeertarparput, Svend Erik Saxov oqarpoq, taassumalu inuttat nunamiitillutik internetsernermisuulli sunaluunniit oqarasuaatimikkut angallattakkakkut iserfigisinnaagaat ilanngullugu oqaatigaa. Tamatuma saniatigut Opus DuoLinkimik neqerooruteqarpoq, tassa atuisuuffimmi ataatsimi internetsimut marlunnik attaveqarluni pitsaanerusumik attaveqarsinnaalluni.

Atuisut kalaallit

 Angu Kreutzmann Opusimi qarasaasialerinermi teknikeriuvoq, taassumalu atuisut kalaallit suleqatiginerat nuannaraa. 

– Nuummi inunngorlungalu peroriartorpunga, aammali nuliakora savalimmiormiuummat Danmarkimi kingullertullu Savalimmiuni najugaqarnikuuvunga. Thorshavnimi najugaqarlunga nuannareqaara. Assigiinngitsutigut Nuummut eqqaanarpoq, Angu Kreutzmann, Polar Expo-mi nittarsaassinermi 2024-mi oktobarimi Ilulissani ingerlanneqartumi Svend Erik Saxov peqatigalugu Opusimiit tunisassianik nittarsaaqataasimasoq, oqarpoq.

 – Suliffeqarfimmi sulilerama Opus kalaallinik sullitaqartoq paasillugu tupaallappunga, tunisassilli sukumiisumik ilisimasaqarfigalugillu oqaasii sapinnginnakkit iluaannarpoq, Angu Kreutzmann, nittarsaassinermi takuniaasut suliffeqarfiup nioqqutissaataanik soqutiginnilluartunik naapitsisimasoq, oqarpoq. 

Qaammataasat arlallit atoraat 

Opus OneWebimik, qaammataasatigut pingaarnertut attaveqaataasumik, pilersuinissaminut akuersissuteqarpoq. Qaammataasalluunniit Starlink VSAT-ilu pissamaatitut atortaramikkit internetikkut attaviisa qamittoortarnera akuttuvoq. DuoLinki atorlugu aaqqiissutissaq LEO atorniarsaraarput, tamannami atuisunut pitsaanerpaammat. Internetsip attavigittuunissaa kikkut tamarmik piumasarimmassuk. 

– Tunisassiarput qaammataasamut ataasiinnarmut attaveqanngilaq. Attaveqaatit assigiinngitsut akuleriissittarpagut, taamaalilluta tamatigut paasissutissanik ingerlatitseqqiisarnissaq pitsaassuserlu qaffasissoq qulakkeertarparput. Atortorissaarut nammineq ingerlavoq, inuttallu qanoq atuitiginissartik eqqarsaatigisariaqanngilaat, Angu Kreutzmann oqarpoq. 

TV-mut radiomullu attavilersuineq 

Opusimit aamma nammineq atortuutitsinniit umiarsuarmi TV-mut radiomut attavilersuinerit assigiinngitsut oqarasuaatikkut angallattakkakkut, Ipadikku qarasaasiakkulluunniit toqqaannartumik aallakaatinneqarsinnaasut neqeroorutigaagut. TV-mut attaviit atuisup pisariaqartitai naapertorlugit tulluarsarneqarsinnaapput. Assersuutigalugu Tarajumi Royal Greenlandillu kilisaataataani inuttat aallakaatitsivimmik savalimmiormiut, kalaallit qallunaallu tv-kkut radiokkullu aallakaatitsiviinut attavilimmik atuisinnaalernikuupput. Tunngaviusumilli aallakaatitsiffiit assigiinngitsut 80-init amerlanerusut toqqarsinnaavaat. 

– Imarsiortilluni nittartakkanut attaveeruttarneq attaveeruttaqattaartarnerluunniit oqaluttuaannanngornikuupput, Svend Erik Saxov oqarpoq. 

Paasisaqarnerorusukkuit: Opus.fo takuuk imaluunniit Info@opus.fo saaffigiuk.