Royal Greenlandimi qullersat ilaat soraartoq

Pisortat ilaat Lars Nielsen Royal Greenlandimi februaarip 28-ani naggataamik sulissaaq.

Lars Nielsen 1990-ikkunniilli Royal Greenlandimi sulilerpoq.
Saqqummersinneqarpoq

Lars Nielsen isumaqatigiissuteqarnikkut Royal Greenlandimi pisortaanerup tulliatut aamma ingerlatsinermut pisortatut atorfimminit soraarpoq. Royal Greenland tusagassiutitigut nalunaarummini naatsumik taama allappoq.

– Siulersuisut Lars Nielsen ukiuni 30-ngajanni Royal Greenlandimi aalisarnermilu suliniuteqarluarsimanera pillugu qutsaviginiarlugu periarfissaq manna atorniarpaat, suliffeqarfik allappoq.

Royal Greenlandittaaq pisortaanini, Susanne Arfelt Rajamand, februaarip qaammataani soraarsippaa. Preben Sunke pisortaanerugallarpoq.

Powered by Labrador CMS