Sulisitsisut: Pinngitsaaliineq kajumissaarinerlu immikkoortittariaqarpavut
Pinngitsaaliineq kajumissaarinerlu immikkoortinneqassasut, aamma nunanit allaneersunit sulisussarsiornissaq mianersorfigineqassasoq, Sulisitsisut kaammattuipput.
Assi: Leiff Josefsen
Naalakkersuisut siulittaasuat, Jens Frederik Nielsen (D), sulisinnaasut sulisussaanerannik oqariartoreersorlu oqallittoqalaavippoq.
Taassuma sulisinnaasunut sulinngitsunut ikiorsiissutit ikilisinneqarnissaanik pilersaaruteqarpoq. Siunnersuut akerlerineqarpoq - ingammik SIK-mit.
SIK-ip siulittaasua, Jess G. Berthelsen tusagassiorfinnut oqarpoq pinngitsaaliilluni sulisitsiniaaneq iluaqutaanavianngitsoq:
- Jeg tror ikke på, at tvang kan få folk i arbejde. Hverken arbejdsgiver eller den ansatte får gavn af tvunget arbejde, sagde han i en pressemeddelelse.
Sulisitsisut: Pinngitsaaliineq kajumissaarinerlu immikkoortittariaqarpavut
Sulisitsisuni pisortaq isumaqarpoq pinngitsaaliilluni sulilersitsiniaaneq kajumissaataanaviannginneranik SIK-ip oqariartornera ilumoortoq.
- Ilumoorpoq. Pinngitsaaliineq qaqutikkut aaqqiissutaasarpoq. Kisianni ikiorsiissutinik annikillisaaniarnermi inuit sulerusulersitsiniarnerannik siunertaaneranik oqarneq isumaqarpunga pingaarutilik arajutsigipput - tassa pinngitsaaliinerup kajumissaasiinerullu immikkoortinnissai, pisortaq oqarpoq.
- Oqallinneq pinngitsaaliinermut tunngappat, sammivik ajunngitsoq takunngitsuussavarput. Aperigutta sooq inuk akisussaaffimmik tigusinissaanut pinngitsaalissagupput, aperisinnaavugut qanoq akisussaaffimmik nammineq tigusinissaannik tapersersorsinnaaneripput, Christian Keldsen oqarpoq.
Sulisitsisut isumaqarput nunatta aningaasaqarnera ilungersortoq, danskillu tapiissutaannik pisariaqartitsineq annertusisimasoq.
- Taamaattumik soorunami isertitassaasinnaasunik ujaasisariaqarpugut - soorlu assersuutigalugu takornariaqarnikkut immaqalu aatsitassarsiornikkut. Kisianni taamaaliussagutta sulisussat qulakkeertariaqarpagut.
- Ullumikkut sulisut 12-13%-ii avataaniit aasarpagut. Immineq ajornartorsiutaanngilaq, kisianni inuiaqatigiit avataaniit sulisussat pisariaqartiinnaavilissappatigit, saniatigullu innuttagut sulisinnaasut pisortat ikiorsiissutaanik pilersussagutsigit, ajornartorsiutaalissaaq, Christian Kjeldsen.
