Air Greenlandip ukiup qaammataani pingasuni siullerni qanoq pisoqarsimanera sapaatip-akunnerata siuliani qiviarpaa. Atuartartut amerlasuut ilimagisimassavaat kisitsisit pitsaavallaanngitsut. Tamanna nalinginnaasuuvoq, Air Greenlandilli Kalaallit Nunaata Danmarkillu akornanni timmisartuussisarneranut, pingaartumik Nuummut, atuuppoq.
- Atlantikoq qulaallugu timmisartuussinissat amerlasuut taamaatiinnarneqartarsimanerat isertuunneqarsinnaanngilaq. Ukiup qaammataani siullerni sisamani Atlantikoq qulaallugu timmisartuussinerit katillugit 32-t taamaatiinnarsimavavut imaluunniit allamut sangutinneqarsimallutik. Ukiup siuliani taamatut iliorneq ataasiinnaanikuuvoq, pisortaaneq Jacob Nitter Sørensen oqarpoq.
Air Greenlandip ukiup qaammataani pingasuni siullerni qanoq pisoqarsimanera sapaatip-akunnerata siuliani qiviarpaa. Atuartartut amerlasuut ilimagisimassavaat kisitsisit pitsaavallaanngitsut. Tamanna nalinginnaasuuvoq, Air Greenlandilli Kalaallit Nunaata Danmarkillu akornanni timmisartuussisarneranut, pingaartumik Nuummut, atuuppoq.
- Atlantikoq qulaallugu timmisartuussinissat amerlasuut taamaatiinnarneqartarsimanerat isertuunneqarsinnaanngilaq. Ukiup qaammataani siullerni sisamani Atlantikoq qulaallugu timmisartuussinerit katillugit 32-t taamaatiinnarsimavavut imaluunniit allamut sangutinneqarsimallutik. Ukiup siuliani taamatut iliorneq ataasiinnaanikuuvoq, pisortaaneq Jacob Nitter Sørensen oqarpoq.
Timmisartuussinerit sangutinnarneqarnerat ima paasisariaavoq: Pilersaarutaagaluartut allanngortillugit allamut minneq. Nuummukaarnerit arlallit uteqqiinnarnermik kinguneqarsimapput. Timmissartorsuaq anorlernera, pujornera imaluunniit illoqarfiit pingaarnersaanni mittarfiup ajornartorsiornera pissutigalugu Københavnimut utertinneqartarlutik. Timmisartorsuaq Narsarsuarmukartoq ataasiaannarluni taama ilivoq.
- Taama pisoqartarnerani sullitatsinnut uippakajaarnartuusoq ilisimavarput. Aamma sulisutsinnut aningaasaqarnitsinnullu taamaappoq, Jacob Nitter Sørensen erseqqissaavoq.
Ataasinngornermi taamaatitsisoqartoq, pingasunngornermi allamut mittoqartoq
Air Greenlandip Københavnimiit Nuummut timmisartuussinissaminik taamaatitsinera, Nuumminngaanniit Københavnimut timmisartuussinissamik taamaatitsinermik aamma kinguneqartarnera Air Greenlandimut sullitanullumi uuminarsinnaasarpoq.
– Ataasinngornermi apriilip 28-ani DMI-p ulloq naallugu anorlernissaanik ilisimasaarutaa pissutigalugu timmisartuussinissamik taamaatitsiinnarpugut. Paasinarsivoq ataasinngornerup sivisunersaani missinnaasimagaluartugut. Taamatut taamaatitsiinnarneq soorunami pakatsinarpoq, immaqa pinngitsoortinneqarsimasinnaagaluarluni, Jacob Nitter Sørensen oqarpoq.
Aammattaaq Air Greenlandimut atuisunullu mamiatsaataavoq avannaani timmisartuussinerit taamaatiinnarneqarmata kujammut timmisartuussinerit taamaatiinnarneqartarmata, ilaasussammi utaqqisut timmisartuussinissamut periarfissaqannginnerat pissutigalugu.
Jacob Nitter Sørensen apriilip naalernerani pisut pillugit oqaluttuarnini nangippaa:
– Tuukkamik pingasunngornermi apriilip 30-ani kinguuttoornerit angummaffiginarlugit timmisartuussivugut, ullormimi tassani anorlerani timmisartuussisinnaanitsinnut killigititaq ataappaa. Ajornartorsiutillu illuatungerluinnaanik pisoqarpoq, tassani silassamik aarlerisaarutigineqartumit ulloq tamangajaat sila ajornerummat Nuummut missinnaasimanngilagut.
Aasaanerani ajornartorsiutit aaqqinneqassanngitsut
Kalaallit Nunaanni silaannakkut angallassinerup qitiusoqarfia anorlerpiarneq ajortumiit Kangerlussuarmiit Nuummut 2024-mi nuunneqarnera ilisimaneqartutut apeqqutaasimaqaaq. Nunap iluani timmisartuussinermi aamma sunniuteqarsimaqaluni.
Nuummiinnarli taamaattoqanngitsoq pisortaaneq erseqqissaavoq. Kalaallit Nunaanni ukiukkut sila nalinginnaasumiit ajorneruvoq, taamaammallu pilersaarusiornissamut tunngavissaq nalorninarluni.
– Pissutsit pillugit DMI-mit qanimut oqaloqateqartarpugut. Taakku silassamik pitsaanerusumik ilimasaarisinnaajumallutik qarasaasiamik immikkut piginnaasalimmik peqalersimapput. Tamannali pillugu taakku oqaloqatigisariaqarpatit.
Aasarumi Kalaallit Nunaat kiannerulerlunilu anoreqannginnerulerpat ajornartorsiut annikillissava?
– Tamanna neriorsuutigissanngilara. Aasakkut anorikinnerusaraluartoq suli putsertarpoq, ajoraluartumillu putsertillugu missinnaanngilagut, Jacob Nitter Sørensen akivoq.
Air Greenlandip Atlantikoq qulaallugu timmisartuussinermi pissutsit pitsanngorsarniarlugit periarfissat iliuuserineqartussallu assigiinngitsut maannakkorpiaq misissorai Air Greenlandip pisortaa ilisimatitsivoq. Suunersulli itisilinngilai.
Pingasunngornermi apriilip 30-ani Københavnimut uternissaq ilimanarsilermat periuseq nutaaq atorneqarpoq. Tassani timmisartoq allamut aallarpoq, Kangerlussuarmulli milluni. Aaqqiissulli taanna immikkut ittumik pisoqartillugu aatsaat atorneqartartoq pisimasoq tamanna pillugu allaaserisami Jacob Nitter Sørensen ilisimatitsivoq.
