Tusassip pilersuinissap isumannaatsuunissaa nukittorsarniarlugu nutaamik datacenteriliorput

Tusassip Qinngutsinni datacenterimut toqqavissaa naammassineqarpoq.

Sanaartorneqartoq 2027-p affaani siullermi atulertussanngorpoq, ingerlalluarnissaalu qulakkeerneqassalluni, paasissutissat isumannaatsuussapput siunissamilu atorneqarsinnaassallutik.

Tusassip 2028-p tungaanut periaasissamisut pilersaarutaanut suliniut taanna qitiuvoq, tassanilu attaveqaqatigiinnermik ingerlatsivik 1,9 milliardit koruuninik aningaasaliivoq qaammataasanut aaqqiissutissanut nutaanut, immap naqqatigut kabelinut, radiukkut attaveqaatit pitsanngorsarneqarnissaannut, 5G-mik attaveqaatinut atuisunillu sullissinerup pitsanngorsarnissaanut allarpassuarnullu atorneqassallutik.

– Piffissamut suut tamarmik digitalinngorsarneqarfissaannut ingerlavugut – pisortat aaqqissuussinerannit akiliisarnernut, internetikkut aallernernut silassorissuusiamillu atuinernut. Tamanna aalajaatsuunissamut, isumannaatsuunissamut annertussusissamullu piumasaqaaterpassuaqalersitsivoq. Datacenteri nutaaq piumasaqaaterpassuarnut nutaanut atorsinnaasut ilagaat, Bo Pedersen Tusassimi ingerlatsivimmik aqutsisoq oqarpoq.

Nunani tamalaani najoqqutassianik naammassinnissinnaanissaq

Tusassimi suliniummik aqutsisoq John Telling nassuiaavoq Qinngutsinni datacenteri nunani tamalaani najoqqutassiat naapertorlugit sananeqarsimasoq, Tier3-mik taaneqartartoq, tassanilu piumasaqaatigineqarpoq atortorissaarutit pingaarutillit tamarmik ataavartumik ingerlanissaat.

Nunani tamalaani atorneqartunik naammassinnissinnaaneq

Tusassimi suliniutinut aqutsisuuneq John Telling nassuiaavoq, Qinngutsinni datacenterissaq nunani tamalaani atorneqartartut naapertorlugit suliarineqassasoq, Tier3-mik taaneqartartoq atorlugu, periaatsini pingaarutilinni tamani pissamaateqarnissamik piumasaqaateqarfiusunik. Taamaalilluni innaallagiaq, nillusaatit attaveqaatillu marloqiusamik sillimmateqarfiupput, taamaalilluni atortorissaarutit arlaat ajalusuussagaluarpat qitiusumik ingerlatsivik ingerlatsiinnarsinnaaqqullugu.

- 500 kilowattimik pisinnaasaqassaagut, pisariaqassappallu sillimmatitut sarfalersuisarfivut marluk tamarmik immikkut 600 kilowattinik pisinnaasaqarlutik. Innaallagiaarukkaluarpat batteriit innaallagissamik pilersuilissapput, sarfaliuutillu ingerlaqqilernissaasa tungaanut sarfamik pilersuissallutik, John Telling oqarpoq nangillunilu:

- Nillusaavik aamma imminnut attuumassuteqanngitsunik marlunnik attaveqaateqarpoq, ingerlatsineq taamaalilluni kipineqarani ingerlaannarsinnaassalluni. Sillimmateqarnermik tamanna taaneqartarpoq, tamannalu patajaatsumik ingerlatsinissamut qulakkeerinnittuulluni.

Mingutsitsinngitsumik innaallagissiorneq

Datacenterissaq Utoqqarmiut Kangerluarsunnguannit erngup nukinganik nukissiorfimmit, innaallagissamik Nuummut pilersuisuusumit mingutsitsinngitsumik innaallagissamik pilersorneqassaaq.

- Taamaalilluta innaallagissamik pilersuineq patajaatsoq ataavartorlu qulakkeersinnaavarput. Sarfaaruttoortoqassagaluarpat sarfaliuutit ingerlaannartumik atuutilissapput, John Telling oqarpoq.

Tusassip Nukissiorfiit suleqatigalugit ingerlatsiviup kissamik pilersitaata sinneqartoorutaata atorluarneqarsinnaanera misissuiffigisimavaa.

– Kissamik annertuumik pilersitsisarpugut, sanaartugarlu ungasissumit kiassarnermut attaveqalerpat kiak ingerlateqqinneqarsinnaassaaq. Kissassutsip ilaa maannamut nammineq kiassarnermut atorparput, Bo Pedersen oqarpoq.

Siunissaq isumannaarneqassasoq

dataceneri Nunatsinni digitalimik attaveqaatit illersornissaannut pingaaruteqarpoq.

- Illuutitigut digitalikkullu isumannaallisaaneq annertuumik kivinneqassapput. Siunissamut sanaartorpugut, tamatumanimi paasissutissat amerliartuinnaramik inuiaqatigiillu attaveqaatit patajaatsut pisariaqartileruttorpaat, Bo Pedersen oqarpoq, John Tellingillu erseqqissarpaa datacenterip nutaap aamma pilersuinerup isumannaatsuunerata annertusinissaa ungasianit aqussinnaanngimmagu.

- Nunami allamiitilluni qarasaasiap saavani issialluni sarfalersuutit qaminneqarsinnaanatillu aaqqissuunneri allanngortinneqarsinnaanngillat, John Telling oqarpoq.

Paasissutissat suliffissallu

Suliniut Tusassimut aamma Nunatta nammineq paasissutissaataanik aqutsinerup attatiinnarnissaanut aamma tunngavoq.

Datacenteri nunani tamalaani najoqqutassianut naapertuuttumik sananeqanngippata, paasissutissat nunanut allanut nuunneqarumaartut, taamaalillunilu suliffiit aamma annaaneqarumaartut Bo Pedersen nassuiaavoq.

Tusassip naatsorsuutigaa datacenteri 2027-mi ukiup affaani siullermi atulersinneqarumaartut, piffissallu ingerlanerani atortorissaarutit pisoqaanerusut pingasut taarsersussallugit.

– Nutarterineqaannarani Kalaallit Nunaata digitalimik siunissaanut tunngaviuvoq. Silassorissuusiap, maskiinanillu atuinerup paasissutissanillu passussisarnerup ineriartornerisa qanoq sukkatiginerat takugaanni, Kalaallit Nunaata nukittuumik isumannaatsumillu inissisimanissaa pingaaruteqarluinnarami Bo Pedersen naggasiivoq.