Takornariaqarnermut inatsimmi paragraf 15-imi, atuutilerlaami, sumiiffiit agguataarneqarsinnaanerannut tunngasoq aaqqiissutissaasoq, Inuussutissarsiornermut, Aatsitassanut, Nukissiuuteqarnermut, Inatsisinik Atuutsitsinermut Naligiissitaanermullu Naalakkersuisoq Naaja H. Nathanielsen (IA) umiarsuit takornariartaatit aavarfimmut akornutaanerat qisuariarfigalugu Sermitsiamut allappoq.
– Inuussutissarsiutigalugu sunngiffimmilu piniarnermik aalisarnermillu akornusersuineq sunngiffimmi pinngortitamiinneq akornuserneqarnera takornarianut nuanniitsumik misillerfigineqarsinnaavoq, taamaattumik artukkerneqannginniassagatta takornariaqarneq pillugu inatsit inuiaqatigiit pinngortitallu illersornissaannut sinaakkuteqassasoq uannut pingaaruteqarpoq.
Takornariaqarnermut inatsimmi paragraf 15-imi, atuutilerlaami, sumiiffiit agguataarneqarsinnaanerannut tunngasoq aaqqiissutissaasoq, Inuussutissarsiornermut, Aatsitassanut, Nukissiuuteqarnermut, Inatsisinik Atuutsitsinermut Naligiissitaanermullu Naalakkersuisoq Naaja H. Nathanielsen (IA) umiarsuit takornariartaatit aavarfimmut akornutaanerat qisuariarfigalugu Sermitsiamut allappoq.
– Inuussutissarsiutigalugu sunngiffimmilu piniarnermik aalisarnermillu akornusersuineq sunngiffimmi pinngortitamiinneq akornuserneqarnera takornarianut nuanniitsumik misillerfigineqarsinnaavoq, taamaattumik artukkerneqannginniassagatta takornariaqarneq pillugu inatsit inuiaqatigiit pinngortitallu illersornissaannut sinaakkuteqassasoq uannut pingaaruteqarpoq.
Aavarfiup aallartinnerani umiarsuarnit takornariartaatineersut umiatsiaaqqanik pullattakkanik ilaallutik Nuup Kangerluanukaallutik akornusiinerat Naaja H. Nathanielsenip qisuariariarfigaa.
- Isumassarsianik peqarpoq
Takornariaqarneq pillugu inatsimmi tunngavigalugu sumiiffiit agguataarneqarsinnaanngornerat aaqqiissutaasinnaasoq taassuma nalilerpaa:
- Inuit pinngortitarlu kalluanngikkaluarlugit naapertuuttunik sinaakkusiinikkut takornariaqarnerulersinnaasugut isumaqarpunga - nunami angeqaaq.
- Takornariartitsinermut inatsit akuerineqartinnagu inuussutissarsiortunik, innuttaasunik aalajangiisartunillu ataatsimiititsinerpassuarni sumi tamani pitsaasunik siunnersuuteqarpoq. Sunnerneqarnaveersaarnissarput akornusersorneqarnaveersaarnissarpullu siunertaralugu ukiup ingerlanerani ukiullu ilaani angalanerit misigisassallu qanoq killilersorneqarsinnaanersut pillugit.
- Isumassarsianik peqarpoq, naalakkersuisoqarfinniillu qinnuteqaatit tamaasa nuannaarutigissavavut, tamannami inuussutissarsiornerup ineriartortinnissaanut innuttaasullu takornariartitsinermik naammaginninnerannut ilumoorussinermut aaqqiissutissanillu pitsaasunik nassaarniarnermut ersiutaammat, Naaja H. Nathanielsen allappoq.
