Aatsitassarsiortitseqatigiiffik White Flame Energy
uuliasiortitseqatigiiffialu Greenland Gas and Oil Tunumi uuliasiornissamik misissuileruttorput.
Sermitsiap paasisai naapertorlugit maskiinarsuit ingerlatseqatigiiffiit marluk
taakku Royal Arctic Line aqqutigalugu umiarsuakkut nassiussaat
Ittoqqortoormiinut ukioq manna septembarip 27-ani tikipput.
White Flame Energyp Ittoqqortoormiiniit avannarpasinnerulaartumi uuliasiornissamik
misissuinermut akuersissutai pingasut 2023-mi sivitsorneqarput. Ingerlatseqatigiiffik
taanna nunatsinni uuliasiornissamik maanna misissuisuni kisiartaavoq.
Aatsitassarsiortitseqatigiiffik White Flame Energy
uuliasiortitseqatigiiffialu Greenland Gas and Oil Tunumi uuliasiornissamik misissuileruttorput.
Sermitsiap paasisai naapertorlugit maskiinarsuit ingerlatseqatigiiffiit marluk
taakku Royal Arctic Line aqqutigalugu umiarsuakkut nassiussaat
Ittoqqortoormiinut ukioq manna septembarip 27-ani tikipput.
White Flame Energyp Ittoqqortoormiiniit avannarpasinnerulaartumi uuliasiornissamik
misissuinermut akuersissutai pingasut 2023-mi sivitsorneqarput. Ingerlatseqatigiiffik
taanna nunatsinni uuliasiornissamik maanna misissuisuni kisiartaavoq.
Uuliasiortitseqatigiiffiit
allat akuersissutitik Naalakkersuisut uuliasiornermut periusissiap
atorunnaarnissaa uuliasiulersaarnerillu tamarmik unitsinneqarnissaat pillugit
2021-mi nalunaaruteqarnerisa kinguneranik utertippaat.
Uuliasiortitseqatigiiffik Greenland Gas and Oil, tuluit ingerlatseqatigiiffiutaannit White Flame Energymit pigineqartoq, nunatsinni uuliasiornissamik suli misissuisuni maanna kisiartaavoq. Uuliasiortitseqatigiiffik taanna Ittoqqortoormiit avannarpasinnerusuanni uuliasiornissamik misissuinissamut akuersissutinik tunineqaqqammerpoq.
Illustration: Greenland Gas and Oil
Misissuinermi pisussaaffigiligaasut Naalakkersuisut politikkikkut nalunaarutaat 2021-imi akuersissutaareersunut
atuunnani akuersissutinut nutaanut taamaallaat atuummat, White Flame Energy uuliasiornissamik
misissuinissamut suli pisinnaatitaavoq. Ingerlatseqatigiiffiilli marluk taakku
misissuinerminni pisussaaffiligaasut, aatsitassarsiornermut
naalakkersuisoqarfimmit oqaatigaat uppernarsarlugulu ingerlatseqatigiiffik uuliasiornissamik
misissuinissamut akuersissuteqartoq.
”White Flame Energy Jameson Landimi uuliasiornissamik
misissuinissamut pingasunik akuersissuteqarpoq. Tamatumunnga atatillugu campissamik
atortussanillu nunaligussinissamut aasaq akuerineqarpoq. Atortussat taakkua Dundasip
eqqaaneersuusut”, naalakkersuisoqarfik Sermitsiamut allappoq
erseqqissaatigalugulu campiliornissamut sissiugaliornissamullu
akuersissuteqarnani campissamik atortussanillu nunaligussinissamut taamaallaat
akuersissuteqartoq.
Campiliornissamut akuersissuteqanngitsoq ”Sumiiffimmi misissuinissamut akuersissuteqarfigisaminni campiliornissamut
sissiugaliornissamullu akuerineqanngillat. Ingerlatseqatigiiffiup
misissuinerunissamut pilersaarutai allanut oqaatigineqaqqusaanngimmata
takunissaannullu qinnuteqartoqarnikuunngimmat tamanut ajoraluartumik saqqummiussinnaanngilavut.
Tassa ingerlatseqatigiiffik sumiiffinni misissuinissamut
akuersissuteqarfigisamini uuliasiornissamut akuersissutini piumasaqaatit
naapertorlugit suli misissuisinnaatitaavoq, tamatumanili piumasaqaatit aatsitassanut
oqartussat qinnuteqaatit aallaavigalugit aalajangersarneqartartut aatsaat naapertorsimappagit”,
naalakkersuisoqarfik ilisimatitsivoq.
Ingerlatseqatigiiffiup misissuinera nunatsinni uuliamik qalluilerneranik
kinguneqarsinnaavoq. Taamatulli kinguneqarnissaa naalakkersuisoqarfimmit
oqarnerat naapertorlugu ilimanarpallaanngilaq, ingerlatseqatigiiffimmi
qalluilersinnaajumalluni aningaasaliiffigineqarujussuaqqaartigani
aallartissinnaanngimmat nunamilu uuliasiulersaarnernik tamanik
unitsitsinissamik politikkikkut aalajangiiffiusimasumi uuliasiornissamut
uuliamillu qalluinissamut aningaasaleerusuttoqassanersoq nalorninarmat.
Ingerlatseqatigiiffiup
pilersaarutai misissuileruttorneralu pillugit paasisaqarnerujumalluta White
Flame Energymi siulersuisunut siulittaasoq Roderick McIllree Sermitsiamit
attavigigaluarparput, taassumali allaatigisap massuma saqqummiutinnginnerani
uterfiginngilaatigut.
