1.000-nit amerlanerusut NANUBØRN-ip juullimi ikiorsiissutaanut qinnuteqartut
Juullimut taperneqarnissaq ilaqutariit meerartallitakornanni atorfissaqartinneqaqaaq, siulersuisunisiulittaasoq oqarpoq.
2008-mili NANUBØRN nunarput tamakkerlugu ilaqutariinnut meerartalinnut juullimut ikiuisarpoq. Ukioq manna juullimut ikiorserneqarnissamut qinnuteqartitsineq maanna naammassisimalerpoq, peqatigiiffiullu ilaqutariinnit meerartalinnit 1000-nit amerlanerusunit qinnuteqaatit tiguai.
Amerlassutsit Kalaallit Nunatsinni ilaqutariit meerartallit tapersersorneqarnissamik pisariaqartitsinerannik takutitsisuupput, Mona Steenholdt, 2021-mili NANUBØRN-imi ingerlatsillunilu siulersuisunut siulittaasoq oqaluttuarpoq.
- Ilaqutariit meerartallit 1000-nit amerlanerusut juullimut ikiorserneqarnissamik pisariaqartitsinertik pissutigalugu qinnuteqarput. Nunatsinnilu 56.000-iinnaanerput eqqarsaatigissagaanni kisitsit annertuvoq. Ilaqutariit meerartallit pisortanit ikiorsiissutisisartut, ilinniartut, angajoqqaat kisermaat inuillu ulloq naallugu suliffeqartut qinnuteqarput, Mona Steenholdt oqarpoq imalu nangilluni:
- Aningaasaativut sinnerlugit annertussusilinnik qinnuteqarfigineqarpugut, tamatumalu suliniutip ingerlatatta pisariaqartinneqarnera takutippaa. Nunatsinni ilaqutariittaqarpugut meerartalinnik tapersersorneqarnissamik ikiorneqarnissamillu pisariaqartitsisunik.
Annitsukkuutaarpassuit
Ukiut ingerlaneranni NANUBØRN-ip juullimut ikiorsiissutai assigiinngiiarput. Ukioq manna ilaqutariit meerartallit sumi najugaqarnerat apeqqutaatillugu Pilersuisumut Pisiffimmulluunniit pisissutissaq juullimi ikiorsiissutaavoq, taannalu juulli tikillugu atorneqarsinnaavoq.
- Taanna inoqarfinni ilaqutariinnut meerartalinnut naammattumik pissaqanngitsunut ikiorsiineruvoq. Inuimmi pisortorsimanerat, tunissutissarsisimanerat orpissisimanerallu nalunngilarput, taamaammallu ikiorsiissutissat juullimut naammattumik pissaqarnissamik pisariaqartitsivissortunut immikkut tunissutaapput, Mona Steenholdt oqarpoq.
NANUBØRN-ip juullimut ikiorsissutissat ilaatigut aningaasaateqarfinnit, suliffeqarfinnit inuinnarnillu katersarai, NANUBØRN-imilu suleqataasut tamarmik nammineq piumassusertit malillugu suliniaqataapput. Ukioq manna nutaatut peqatigiiffik nittartakkakkut quppernermigut qinnuteqartitsivoq. Siornatigut NANUBØRN ilaqutariinnik meerartalinnik ikiugassamik kommunit suleqatigalugit toqqaasarpoq.
- Nummiinnaanngitsoq, nunarpulli tamakkerlugu ilaqutariinnut meerartalinnut tapeerusupput, taamaammallu inoqarfinni taamaallaat satellit atorlugu internetikkut attaveqartuni qanoq ingerlanissaq pissanngatigisimaqaarput, qujanartumilli kommunini sulisut innuttaasut qinnuteqarnissaannik ikiuisimapput, Mona Steenholdt oqarpoq.
350-t tapiissutisisinnaapput
Peqatigiiffik suli aningaasaateqarfimmit ataatsimit akissutisinissamik utaqqivoq, maannakkulli NANUBØRN ilaqutariinnut meerartalinnut 350-nut juullimut ikiorsiisinnaasoq aningaasaateqarfinnit pissarsiat ersersippaat, taakkulu qinnuteqartut pingajorarterutigaat. Katersiniarnerli suli ingerlavoq. Aningaasanik katersineq suliarujussuuvoq,
Mona Steenholdt oqarpoq.
- Inuinnarnut, suliffeqarfinnut aningaasaateqarfinnullu saaffiginnittarpugut. Kalaallit Nunatsinni suliffeqarfinnut 200-nut allagaqarpugut, suliffeqarfinnillu arfinillit tikillugit amerlatigisunit tapiiffigineqarpugut. Qinnuteqarluta saaffiginnikkaangatta aningaasarpassuarnik pinissarput naatsorsuutigineq ajorparput, ilaqutariilli meerartallit inuuniarnermi pisariaqartinneqarluinnartunik, soorlu sukkunik naatsiianik kajortitsinermut atugassanik amigaateqartunik qinnuteqarfigineqartarpugut, taamaammallu aningaasat tunissutigineqartut ikikkaluaraangataluunniit assut qujaruttarpagut.
