talkombination
11.12.13 Nuummi atorluarpaat
Aappariit arfinillit pingasunngornermi kommunemit katitinneqassapput
Kisitsisit 11.12.13 kommunep allaffianni katinnissamut atussallugit Nuummi soqutigineqarluarput. Tassami aappariit arfinillit kommunemit katitinneqassapput tallimat kommunep allaffiani ataatsillu suliffimminni katinniarlutik.
Qaasuitsup Kommunianit tupaallaatigineqwarpoq ulloq decemberip aqqarnat 11.12.13-mik kisitsisitalimmi kommunep allaffiani katinniartunik saaffiginnittoqarsimanngimmat. Taamatuttaaq Qaqortumi kommunep allaffiani katinniartunik saaffiginnittoqarsimanngilaq.
Qeqqata Kommuniani Sisimiuni borgmester Hermann Berthelsenimut katittussat aappariit marluupput.
Taaneqareersutut Nuummi kommunep allaffiani ulloq 11.12.13 katiffissatut piumaneqarneruvoq katinnerit nalunaaqutaq aqqarnermut aallartissammata. Aappariit tallimat kommunep allaffiani katissapput aappariillu ataatsit suliffimminni katinniarlutik.