12-inik ukiullit marluk tammaaneqaramik ujaarineqarsimasut
Politiit niviarsiaqqat aqqaneq-marlunnik ukiullit marluk Sisimiut eqqaani illuaqqamit ataasinngornermi unnuakkut qimagussimasut ujaarisimavaat. Niviarsiaqqat ajunngitsut nassaarineqarsimapput.
Niviarsiaqqat aqqaneq-marlunnik ukiullit marluk sapaatiummat unnukkut aalajangersimapput Sisimiunut uterniarlutik, taakku ulloq unnuarlu paaqqinnittarfimmioqatitik peqatigalugit illuaqqamiissimapput illoqarfimmiit 20 kilometerit missaannik ungasitgisumiittumi.
Niviarsiaqqat taakku marluk illuaqqamiikkusussimanngillat, illoqarfimmullu uterusussimallutik, pigaartut pisortaat Søren Bendtsen Sermitsiaq.AG-mut oqaluttuarpoq.
Niviarsiaqqat illuaqqamiit tammaaneqalermata, ulloq unnuarlu paaqqinnittarfimmi sulisut ujaasillutik aallartissimagaluarput, nassaarinnginnammikklli politiinut attaveqarsimallutik
- Sisimiuni qatserisartut Issittumilu Sakkutooqarfik suleqatigalugit unnuap-qeqqata missaani nunakkut ujaasilluta aallartippugut.
- Aamma umiatsiaq pullattagaq atorlugu sissaq sinerlugu ujaasivugut, Sørem Bendtsen oqaluttuarpoq.
Niviarsiaqqalli marluk taakku qujanartumik nalunaaquttap 01.20-p missaani ulloq unnuarlu paaqqinnittarfimmi sulisunit ajunngitsut nassaarineqarput.
- Illuaqqamiit syv aamma otte kilometerit missaannik ungasitsigisumiittut nassaarineqarput.
- Nassaarineqarmata qujanaqaaq. Inersimasulluunnimmi qasujaattut aputeqaqisumi issittumilu illoqarfimmut pisukkaluarunik ilungersortussaapput, Søren Bendtsen naliliivoq.