13-inik ukiulik Italiamut sikkilertoq
Nukappiaraq 13'inik ukiulik angutaalu Sisimiuneersut Danmarkimit Italiamut sikkilerput - uterlugulu
13-inik ukiulik Mads Berthelsen angutaalu Gorm Berthelsen, Sisimiunit aggerfillit, aningaasat 23.000 koruunit Kollundimi julemærkehjemimut katersorpaat.
Taamaaliorput Danmarkimit Italiamut uterlugulu 2571 kilometerit sikkilimik ingerlaarfigigamikkit. Ilaatigut ullormi ataatsimi 247 kilometerit ingerlavaat.
Taamak allappoq P4 Morgen.
- Ajunngilluinnartumik ingerlavugut, 13'inik ukiulik sikkilillammak P4 Morgenimut oqarpoq. Taassuma ukiuni kingullerni arlalinni angunni ilagalugu suliniummut iluaqqusiisinnaasumut tapersiiniarluni sikkilernissi kajumigisimavaa, aatsaalli ukioq manna ilungersunarluartumut angalanissamut periarfissinneqarluni.
Mads Berthelsenip Italiamut uterlugulu aqqut ingerlaarfigaa naak ingerlaarnermik ilaa ullut marlussuit napparsimasimagaluarluni.
Ataataasup ernerullu tullissaanik ilungersorlutik sammissamaagaat tassa aappaagu nunatsinni Arctic Circle Racep peqataaffiginissaa.
Mads aamma Gorm Berthelsen, Kollundimi najugaqarput.