15-inik ukiulik biilinik aallarussisimasutut unnerluutigineqarpoq
Nukappiaraq 15-inik ukiulik marlunngormat ullaakkut Nuummi aallarussisimasutut unnerluutigineqarpoq.
Marlunngormat ullaakkut nalunaaqutaq 04.30 politiit Nuummi innuttaasumit nalunaarfigineqarput.
Innuttaasut ilaata inuusuttut Jagtvejimi pasinartumik pissusilersortut biilinillu ingerlasut takusimavai.
Politiit nalunaarut misissorlugu angalasimasut, nalunaaqutarlu 05.30 missaani nukappiaraq 15-inik ukiulik pasineqartoq politiit naapissimagaat, Malik Olesen, politiit pigaartuisa pisortaat, oqaluttuarpoq.
15-inik ukiulik biilinik aallarussisutut unnerluutigineqarpoq.
Nukappiaraq killisiorneqareerluni oqartussaasuminut tunniunneqartoq, isumaginninnermullu oqartussaasut aamma akuliunneqartut, pigaartut pisortaat oqarpoq.
Illoqarfiit pingaarnersaanni inuusuttut unnuakkut eqqissiviilliortitsisartut politiinit suli eqqumaffigineqartut, innuttaasullu pasinartumik takusaqarunik politiit qisuariarsinnaaniassammata politiinut sianertarnissaat kissaatigineqartoq, Malik Olesenip erseqqissarpaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...