15-inik ukiulik ujajaaffigineqartoq
Nukappiaraq 15-inik ukiulik tallimanngornerup unnuaani Nuummi tillinniarfigineqarlunilu persuttarneqarpoq angummit 21-nik ukiulimmit.
Nukappiaraq 15-inik ukiulik tallimanngornerup unnuaani Nuummi Industrivejenimi angummit 21-nik ukiulimmit mobilianik t-shirtianillu tillinniarfigineqarpoq.
– Nukappiaqqap 15-inik ukiullit nammineq pisoq tamanna politiinut nalunaarutigaa, arfininngornermilu 21-nik ukiulik sassartipparput ullunilu 14-ini tigummigallagassanngortillugu, Nuummi poliini pisortaagallartoq, Poul Verner Nørgaard, oqarpoq.
Arfininngornerup sapaatillu akornanni unnuakkut Nuummi allamik persuttaasoqarpoq, angut 28-nik ukiulik angummit 30-t qiteqqullugit ukiulimmit Maximut sioraani unatarneqarmat, tilluttarlugu aamma kiinaasigut isimmittarlugu. Persuttaasoq sapaammi sassartinneqarpoq aggustillu ulluisa 20-ata tungaanut tigummigallagassanngortinneqarluni.
Persuttaanerit taakku marluk saniatigut arfinileriarluni niuertarfinni tillinniartoqarpoq, arfineq pingasut aalakoortut tigusarineqarlutik, sisamariarluni angerlarsimaffimmi eqqissiviilliornerit kiisalu Nuummi aqqusinermi eqqissiviilliornerit pingasut.