150.000 koruunit Maaji Peqqissuutigumut aningaasaliissutaapput, kisianni...
Kommuneqarfik Sermersuumit aaqqissuussamut nuannarineqaqisumut Maaji Peqqinnartuutigumut aningaasaliisoqarpoq, kisianni ukioq manna Maaji Peqqinnartuutiguk ingerlanneqassanngilaq
Maaji Peqqinnartuutigumi aaqqissuisut naapertorlugit Kommuneqarfik Sermersuumi tapiissutit annikillisaavigineqarsimapput, taamaalilluni ukioq manna Nuummi Maaji Peqqinnartuutiguk ingerlanneqassanani.
Kommuneqarfik Sermersuumi ukioq manna 500.000 koruuninik immikkoortitsisimavoq kommunimi tamarmi peqqinnerulernissamik aaqqissuussisoqarnissaanut. Aningaasaliissutissanit taakkunanit 150.000 koruunit 2012-imi Nuummi suliniummi ”Maaji peqqinnartuutiguk” aaqqissuussinissamut piorsaanermut ataatsimiititaq tapiisimavoq.
Taama oqarpoq Kommuneqarfik Sermersuumi Piorsaanermut ataatsimiititami siulittaasoq Mille Søvndal Pedersen
Piorsaanermut ataatsimiititami nalilerparput aningaasat taakku tapiissutigineqartut atorlugit annertuumik aaqqissuussisoqarsinnaasoq taamaattumillu ajuusarutigaarput suliniummi ”Maaji peqqinnartuutiguk” aaqqissuussisut ”Maaji peqqinnartuutiguk” 2012-imi Nuummi ingerlassinnaanngimmassuk.