Ittoqqortoormiit
1920-kkunni assilineqarsimasuni siuaasannik ilisarisaqarpit?
Islandip universitetiata lektoria, Sumarliði R. Ísleifsson Ittoqqaortoormiinut sapaatip akunerata uuma ingerlanerani tikikkuni nassassavai assitoqqat ilaatigut ukiunik 100-t missaannik pisoqaassusillit.
Lektori islandimiu Sumarliði R. Ísleifsson Ittoqqortoormiini innuttaasunut ikioqquvoq.
Ukiut 100-ut missaata matuma siorna Islandip avannarpasissortaani illoqarfimmi Isafjorður assilissami kikkut peqataanersut, lektorip paaserusuppaa.
Taquassaminnik aallerlutik Islandikkoortut
Angmagssalimmit, maanna Tasiilamik taaguuteqartumit, umiarsuaq 1925-mi aallarpoq avannamullu, maanna Ittoqqortoormiinik taagukkatsinnut, ingerlaarluni.
Umiarsuarmi ilaapput inuit nunaqarfimmik toqqaviliiartortut, taasaminnik Scoresbysund-imik. Ornitaminnulli ingerlaalinnginnerminni Islandip avaanaata kitaaniittoq illoqarfik Isafjorður aqqusaarpaat taquassaminnik tassani niuerniassallutik.
Tassanili assiliisoqarluni. Assit taakku maanna Isafjorðurimiittumi katersugaasivimmi nivigapput.
Sisamanngornermi assit saqqummersinneqassasut
Lektorillu assit Ittoqqortoormiinu assit nassarsinnaagai akuerineqarsimavoq, 1925-milu assimi kikkut assiliteqataasimanersut tassani paasiniassavaa.
Ittoqqortoormiit katersortarfiani sisamanngorpat nalunaaqutaq arfineq marlunut taassuma saqqummersissavai. Lektori ilinniartuilu maajip 11-anit 15-iata tungaanut Ittoqqortoormiiniissapput.
Assini pineqartuni pingasut ataani takusinnaavatit.