2.120 kr.-nit Neriuffiit Kattuffiannut
Arctic Umiaq line ilaasunut bankortitsisimavoq, bankornermit isertut Kalaallit Nunaanni kræftimut akiuiniarnermut peqatigiiffinnut, Neriuffiit Kattuffiannut nakkartussangorlugit.
Arctic Umiaq Line-imi pisortaanerup Jette Larsenip aaqqissiissineq assut naammagisimaarpaa, aaqqissuussineq Arctic Umiaq Line-p ilaasunut Sarfaq Ittummut arfininngornermi decembarip 22-iani juulli sioqqullugu kingullermut ilaasunut ingerlassimavaa.
– Eqqugassat pitsaasut meeqqanullu juullisunnertortugassat Arctic Umiaq Line-ip suleqatigisartagaanit arlalinnit piginnittaanillu aningaasaliiffigineqarput, tassa Nuummi Dampvakseriet, KK Engros, Air Greenland aamma Royal Arctic Line. Claus Nielsen ulluinnarni Kalaallit Nunaanni Timersoqatigiiffiit Katuffianni generalsekretæriusoq Royal Arctic Line-illu siulersuisuini ilaasortaasoq bankortitsisuuvoq, Jette Karsen oqaluttuarpoq.
Sarfar Ittummi saqisunut naalagaq Kent Andersen oqaluttuarpoq, aaqqissuussineq iluatsilluarsimasoq, aammalu taamatut aaqqissuussineq kingulliugunanngitsoq.
Bankopladenik tuniniaanermi isertitat taamaalillutik ilanngarnagit Neriuffiit Kattuffiannut - Kalaallit Nunaanni kærftimut akiuiniarnermik peqatifiiffiit kattuffiannut - tunniunneqarput, checki 2.120 kr.-nik nalilik tigummagu.