Tasiilaq
22-nik ukiulik toqutsisoqarnerani pasillerneqartoq
Angut 50-inik ukiulik Tasiilami sapaatip akunnera kingulleq toqukkut qimaguppoq, tassunga tunngatillugu angut 22-nik ukiulik unnerluunneqarpoq
Angut 22-nik ukiulik angummut 50-inik ukiulimmut toqutsisimasutut Tasiilami unnerluutigineqarpoq. Angut 50-inik ukiulik sapaatip akunnera kingulleq toqukkut qimaguppoq.
Angut toqungasoq Tasiilap katersortarfiata eqqaani siumorneqarpoq sisamanngormat nalunaaqutaq 01.00-ip missaani. Politiit ambulancellu ingerlaannaq ornigupput. Angulli 50-inik ukiulik napparsimavimmut apuunnermi toquvoq.
Ikiorfeerullugu qimakkaa
Politiit pisumut misissuinerminni angut 22-nik ukiulik tigummigallarpaat.
- Angut 22-nik ukiulik toqutsisimasutut unnerluutigineqarpoq, politimestereqarfimmit Kirstine Spiegelenberg Sermitsiaq.AG-mut oqarpoq.
Angut 50-nik ukiulik sakkortuumik annersarneqareertilluni toqukkut qimaguppoq. 22-nik ukiullip annersakkani qimaannarsimagaa oqaatigineqarpoq.
Danmarkimit toqusoqarsimatillugu misissuisartumik tikisitsisoqarpoq, pisorlu inernilissallugu.