400-vejimi ajutoorneq
Pingasunngormat Nuummi 400-vejimi bussit unittarfiata eqqaani biili ajutoorpoq.
Annonse
Pingasunngormat nalunaaqutaq 18 qaangilaaraa Nuummi 400-vejimi biili Toyota ajutoorpoq. Biilertoq, arnaq 45-t missaannik ukiulik, ambulancemik Dronning Ingridip Napparsimmavissuanut oqqunneqarpoq, nakkutigineqartussatullu unitsinneqarluni, Nuummi Politiit paasissutissiipput.
Arnaq sisamanngorpat kingusinnerusukkut killisiorneqassaaq. Ajutoornermit suna pissutaanersoq aammalu arnaq imigassartorsimalluni biilersimanersoq politiit oqaatigisinnaanngilaat.
Biilimi qimmimik ilaasoqarsimavoq taannalu ajoqusersimagunannginnami pangalilluni angerlarpoq, ajutoornermik isiginnittoq oqaluttuarpoq.