63-inik ukiulik politiinit ujaarineqarpoq
Sisimiuni politiit innuttaasut kajumissaarpaat quit naqqullu ujaasiffigeqqullugit.
Annonse
Sisimiuni angut 63-inik ukiulik ujaarineqarpoq.
Taama Kalaallit Nunaanni Politiit ataasinngornermi unnukkut Facebookimi allapput.
Angut 63-inik ukiulik kingullermik takuneqarpoq pingasunngornermi januaarip 24-anni nal. 10.43 missaani napparsimmavimmit anigami.
Angut 170-175 centimeterisut angitigisutut, tuattutut, aappalaartunillu naatsunik nujalittut allaatigineqarpoq, qernertumillu naatsumik kavaajaqarluni, qarleqarluni napparsimmavimmilu atisanik atisaqarluni.
Sisimiuni innuttaasut kajumissaarneqarput quitik, naqqup atai, toqqorsivitik suliffiitillu misissoqqullugit.
Angut sumiinnersoq ilisimagaanni imaluunniit januaarip 26-ata kingorna takuneqarsimappat politiinut saaffiginnittoqarsinnaavoq oqarasuaat 70 14 48 atorlugu, politiit allapput.