Internetimi kiffartuussiviup Google-ip kalaallit illoqarfiit nunaqarfiilu ersarilluinnartut nittartakkaminut »Google Earth«-imut inississimavai. Asiap timmisartumit assilisat Google-imut tunniussimavai.

»Google Earth«-imi illoqarfik nunaqarfilluunniit qinaasitinneqarsinnaavoq, taamaalereerpat programi zoom atorlugu assit qanillisinneqarsinnaapput. Assini takuneqarsinnaapput inissiat tulleriiaat, aqquserngit, imaani angallatit, biilit allaallumi inuit.

Assit Kalaallit Nunaanneersut piffissami 2000-imiit 2007-imut assilineqarsimapput, tamak Asiaq Kalaallit Nunaanni misissueqqissaartarfik ilisimatitsivoq.

Timmisartumi assilisat »Google Earth«-imut piareersarneranni suliaq Kalaallit Nunaanni Namminersornerusuniit teknologimut tapiissutit iluaqutigalugit aningaasalersorneqarsimavoq.