Aajuna GU-mi rektorinngortoq
Nuummi GU nutaamik juulip aallaqqaataani rektorertaassaaq. Tassaavoq Mikael Ettrup-Enggaard
Maanna Nuummi GU-mi rektoriusoq ukioq affaq sinnilaaginnarlugu atorfeqareerluni tunualerpoq. Taanna januarimi rektorinngorpoq. Maannalu tassa juulip aallaqqaataaniit Mikael Ettrup-Enggaardimi paarlanneqartussanngortoq Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik nalunaarpoq.
- Ilinniartut ilinniartitsisullu oqaloqatiginerisigut Kalaallit Nunaanni ilinniarnertuunngorniartarnermik iluarsaaqqinnerup piviusunngortinneqarnissaata suleqataaffiginissaa qilanaaraara. Pingaartuuvormi inuusuttut tamarmik ilinniagaqarnissamut periarfissinneqarnissaat, 42-nik ukiulik Mikael Ettrup-Enggaard inuiaqatigiilerinermi qallunaatoornermilu magisteri taama oqarpoq.
Mikael Ettrup-Enggaard ilaquttami tungaatigut Nunatsinnut attuumassuteqarpoq.