Aalisagaq eqqumiitsoq
Aalisagaq eqqumiitsoq 1 meterimik angissusilik ataasinngormat Qaqortumi kalaalimineerniarfimmi takuneqarsinnaavoq.
Annonse
Aalisartut qaqortormiut aalisagaq suunersoq ilisimanngilaat.
Kisianni tassaagunarpoq vågmær, latinerisut Trachipterus arcticus, Gyldendalip danskisut encyclopædia malillugu 3 meterisut takissuseqalersinnaasoq.
- Nerisai tassaanerusarput aalisakkat amikullu. Atlantikorsuup avannamut kangiani aalisagaavoq ukiullu tamaasa Skagerrakimi aamma Nordsøp avannaatungaani pisarineqartarluni. Aningaasarsiornermut tapertaasanngilaq, kisianni Nunatsinniit oqaluttuaq naapertorlugu qimminit qimuttunit aamma biologinit nerineqartarpoq, taamatut allaaserisaqarpoq Gyldendal.