Ussassaarut
Aalisarnermut inatsit ukioq manna naammassineqassaaq
Aalisarnermut piniarnermullu Naalakkersuisoq, Karl Tobiassen (S) siunnerfeqarpoq Inatsisartut ukiakkut ataatsimiinneranni aalisarnermut inatsisissaq akuersissutigineqassasoq.
Ussassaarut
Ussassaarut
Ussassaarut
Naalakkersuisut aalisarnermut inatsisissatut siunnersuutaat qaqugu Inatsisartunit suliarineqassanersoq pillugu nalornineq qaangiuppoq. Aalisarnermut Piniarnermullu Naalakkersuisoq, Karl Tobiassen (S) A/G-mut naqissusiivoq aalisarnermut inatsisissatut siunnersuut nutaaq Inatsisartut ukiakkut ataatsimiinneranni saqqummiunneqassasoq.
Aviisi AG taama allappoq.
- Kinguarsaaqqissinnaajunnaarpugut. Aalisarnermut ataatsimiititaliarsuarmit innersuussutinik pitsaasunik amerlasuunillu pigisaqalereernikuuvugut. Naalakkersuisunut ilaasortanngorninniilli aalisarnermik inuussutissarsiuteqartut, sinerissap qanittuani aalisartut avataasiortullu taakkulu kattuffii ataatsimeeqatigisarpakka. Tamatuma saniatigut aningaaseriviit aningaasaleeqataasinnaasullu ataatsimeeqatigisarpakka, assersuutigiinnarlugu soraarnerussutisiaqalernissamut aningaasaateqarfik. Nunatsinni angalanikuuvunga toqqaannartumillu aalisartut ataatsimeeqatigisarlugit, maanna Nunatta Kangia aamma Avanersuaq tikissallugit kisiisa amigaatigilerpakka, siunissamili qanittumi tikissavakka, taamaammat piareersarnermi soqutigisaqartut sapinngisamik tamaasa oqaloqatigisarpakka nangittumillu oqaloqatigissallugit, Karl Tobiassen (S) erseqqissaavoq.
Naalakkersuisut ataatsimoortut tunuliaqutaapput
Suliap ingerlanneqarnerani Karl Tobiassen (S) Naalakkersuisunut suliap killiffianik ilisimatitsisarpoq, tassanilu aamma Naalakkersuisooqatigiit partiivisa isumaqatigiinngissutigisinnaasaat sukumiisumik eqqartorneqartarput nalilersorneqarlutillu. Tobiassen oqaluttuarpoq Naalakkersuisut ataatsimoorlutik suliamut tunuliaqutaasut:
- Manna tikillugu marloriarlunga Naalakkersuisunut suliap killiffianik ilisimatitsisarpunga, tassungalu atatillugu Naalakkersuisooqatigiit partiivisa isumaqatigiinngissutigilersinnaasaat sukumiisumik eqqartortarpagut nalilersorlugillu. Assut isumalluarpunga, tassami Naalakkersuisut ataatsimoorluinnarlutik piareersaallunga sulininnut tunuliaqutaapput. Tassa ataatsimut isigalugu aalisarnermut inatsisissap Inatsisartut ukiaru ataatsimiinneranni suliarineqarnissaanut aalajangiiffigineqarnissaanullu tunngavissat piviusorsiorput, aalisarnermut piniarnermullu Naalakkersuisoq Karl Tobiassen (S) erseqqissaavoq.
Ussassaarut
Aviisimi AG-mi atuarnerusinnaavutit. Aviisi uani pissarsiariuk: