alianartumik ajunaarneq
Aalisartoq Ilulissani ajunaartoq
Sapaatip akunnerata naanerani Ilulissani ajunaartoqarpoq
Angut aalisartoq 57-nik ukiulik Sisimiuneersoq Ilulissaniitiluni ajunaarpoq. Angut umiarsualivimmi imaanut isissimavoq napparsimmavimmilu suliarineqaraluartilluni anernigerluni.
Ilulissani politiit arfininngornermi ullaassakkut nalunaaqutaq 02.38 nalunaarfigineqarput angut aalisariutinut tulattarfimmi isissimasoq.
- Angutip allap ikiorlugu qaqinniarsimagaluarpaa oqimaappallaarmalli qaqissinnaasimanagu, Avannaani politiit pisortaat Mikael Storgaard Sermitsiaq.AG-mut oqarpoq.
Politiit, ambulancet qatserisartullu umiarsualivimmut ornigukkasuarput.
- Angutilli umiarsualivimmut qaqinniarnera ajornartorsiutigisimavaat. Umiatsiaaraq ikiuukkiartorsimavoq tassungalu angut imaanit nilleqisumit qaqitinneqarpoq. Angutip timaa imaaniinnermini nillorsimaqaaq. Napparsimmavimmut ingerlanneqarnerani ambulancemi sulisut sapinngisartik tamaat kissassimaartinniaraluarpaat, Mikael Storgaard.
Angutilli timaa nillorsimaqigami napparsimmavimmi suliarineqaraluartillu anernigerpoq.
Ilaqutaasut kalerrinneqareerput.