Aalisartut piniartullu aningaasaateqarfimmit nersorneqassapput
Aalisartut piniartullu ulluannut atatillugu aalisartut piniartullu nersornaaserneqassapput.
Annonse
Inuussutissarsiuummik maligassiuilluarsimasutut nersornaasiinerit kiisalu inunnik annaassisimasutut nersornaasiinerit aalisartunut piniartunullu tunniunneqassapput.
Tamanna aalisartut piniartullu ulluannut atatillugu, ullumi ataasinngornermi, tunniunneqassapput.
Niels Carlo Heilmannip Aningaasaateqarfiaata nersornaatit tunniutissavai.
Maligassiuisimasutut nersorneqartussat:
- Kaaleeraq Heilmann, Qasigiannguit
- Andreas Karl Egede, Nuuk
- Frede Kilime, Tasiilaq
- Amâsa Filippussen, Aasiaat
- Leif Fontain, Sisimiut
- Hans Janussen, Qaqortoq
- Martin Grim, Upernavik Kujalleq
Inunnik annaassisimasutut nersorneqartussat:
- Isak Vahl, Narsaq (maligassiuisutut aamma inunnik annaassisimasutut)
- Dorthe Johansen aamma Akvillas Johansen, Qaarsut
Nersornaat diplomimik kiisalu 7.000 koruuninik nalilimmik nersornaasigaasunut ingerlatinneqarput.