Aallaasersorneq: Meeqqat sakkunik pinnguartut
Sakkut angallammut qimattarnerat navianartoqarsinnaavoq. Sisimiuni meeqqat sisamat timmisarsiut qoorortoorlu nassaaralugit eqqarput
Qanittukkut Sisimiuni meeqqat sisamat nalinginnaasumik pisartuniit sakkortunerusumik naalanngisaarput.
Sisimiunili angallateeqqanut talittarfimmi timmiarsiut qoorortoorlu nassaaraat. Kingorna gummibådini marlunni angalaartutik eqqarput. Tamanna qujanartumik ajortumik kinguneqanngilaq.
Pisorli ilungersunarpoq, taamaattumik inuit eqqaamasariaqarpaat angallamminni sakkunik qimatsinissaq inerteqqutaammat, Sisimiut politiiviniit politikommissær Johan Davidsen oqarpoq.
- Ajorluinnartumik inguneqarsinnaavoq, taamaattumik sakkut eqqortumik toqqorneqartariaqarput, Sermitsiaq.AG-mut oqarpoq.
Akiliisinneqassapput
Aamma eqqaasitsissutigaa politiit akiliisitsinissamut periarfissaqartut paasigunikku assersuutigalugu angallateeqqat talittarfianni sakkunik qimatanik siumugaqarunik. Politiit aamma aallaasit arsaarinnissutigisinnaavaat.
Sisimiuni pisoq piffissami kingullermi Qeqqata politiivinit suliaanngilaq.
Aamma Maniitsumi politiit sapaatit akunnerata naanerani umiatsiaaqqami ammasumi qoorortooq nassaaraat.
Johan Davidsenip oqaatigisinnaanngilaa sakkumik qimatsinermi qanoq annertugisumik akiliisitsisoqartarnersoq, apeqqutaammat kina politiit ileqqoreqqusaanik unioqqutitsinersoq.