Aappaagu avataarsua alutorsartitsiaassaaq
2011-mi avataarsuani pisussaqarpoq naammaginartunik.
Avataarsuani qilammi ullorialimmi qanoq pisoqartarneranik soqutigisaqaraanni 2011-mi sukkasuujusariaqarpoq. Januaarip 4-aanni ukiumi avataarsuani pisussat annersaat periissaaq ullorissat anaannik qaammallu ilaannakortumik pulalluni.
Ullorissat anaat tamakkoqarfissuarmut Bootiderne-meersuupput, takuneqarsinnaallutillu decembarip 28-ianniit januaarip 12-iannut.
- Ukiut tamaasa ullorissat anaqarfiinik arlalinnik tikeraarneqarajuppugut. Ullorissalli anaqarfissui allat angisuut ukioq manna qaammammit akornusersorneqassapput, Tycho Brahe Planetariumimi astrofysiker Michael Linden-Vørnle nassuiaavoq.
Qaammatigippallaartillugu ullorissat anaat qaamanikitsut, amerlanerpaajusartut, takuneqarsinnaanngilat. Taamaattumik misigisassat taamaattut akuttupput.
Ullorissat anaat ulloriaqarfimmit Bootes-imeersuupput Karlsvognip talianit, utaqqisinnaasariaqarporli.
- Iluaqutaanngilaq minutsini qulini silameeriarluni iseqqilluni qiianeq pissutigalugu, Michael Linden-Vørnle oqaaqqissaarivoq.
Oqorsarluariarluni taartumukartariaqarpoq utaqqillunilu.
Ukiumi kingusinnerusukkut qaammat sammineqassaaq. Juunip 15-ianni decembarillu 10-anni qaammat tamakkiisumik pulasassaaq, tamakkiivinngitsumilli.
Ukioq aggersoq avataarsuani pisoqarfiuvallaassanngilaq - "ukiup ulloriaqarfiup" 2015 tungaanut. Taamanikkussamut ilaatigut Savalimmiuni seqineq tamakkerluni pulassaaq.