Aaqqissuisuuneq innersuussivoq: Iluliarmiut aalisarneq pitsaanerulersikkaat
Aalisarnermi atortut annaaneqarsimasut aalisarnermut tunisassiornermullu akornutaanerat akiorniarlugu Ilulissani aasaanerani suliniut iluatsilluarpoq. Ataavartumilli ingerlanneqassappat Namminersorlutik Oqartussat tapersersuisariaqartut, aalisartut isumaqarput.
Qassutaarsiutit ningittagarsiutillu Ilulissat eqqaani aalisarnermut aalisakkanillu tunisassiornermut akornutaanerat akiorniarlugu, Ilulissani aalisartut piniartullu peqatigiiffii IAPP aamma IQPP suleqatigiillutik junimi immap naqqani saliinermik annertuumik iluatsilluartumillu ingerlatsipput. Piniutaarsiutinillu saliinissap piviusunngortinneqarnissaa qulakkeerniarlugu Halibut Greenland ApS aamma North Atlantic Seafood A/S tamarmik immikkut 75.000 koruuninik, Ocean North 125.000 koruuninik kiisalu Sinerissap Qanittuani Aalisartut Piniartullu Kattuffiat, SQAPK, 25.000 koruuninik aningaasaliipput. Taassuma saniatigut Halibut Greenland-ip angallataatini marluk saliisoqarnissaanut akeqanngitsumik atukkiuppai.
Itigartinneqartut
Nunalerinermut, Imminut Pilersornermut, Nukissiuutinut Avatangiisinullu Naalakkersuisoq, Kalistat Lund, Inuit Ataqatigiit, aalisarnermut atortunik annaasanik qimaannakkanillu saliinissanut Avatangiisinut Aningaasaateqarfik aqqutingalugu 3 millioninit koruuninik 2023-mut siorna aningaasaliinikuuvoq. Kalaallit Nunaani avatagiisinut pitsanngorsaaniarluni sulianut pingaarutilinnut Avatangiisinut Aningaasaateqarfik tapiisartoq, tamannalu tulluusimaarutigigini Kalistat Lundip januarimi oqaatigaa.
Taamaakkaluartoq ukioq manna aalisarnermut atortunik annaasanik saliinissamut IAPP-p qinnuteqaataa itigartinneqarsimasoq, Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmiit paasissutissiissutigineqarpoq. Aammali SQAPK-p qinnuteqaataa itigartinneqarsimasoq, kattuffiup pisortaata oqaatigaa. Tamannalu Ilulissani aalisarnermik suliaqartunit sakkortuumik isornartorsiorneqarpoq.
Tunisassiornermut iluaqutaasoq
Aalisarfinni aalisarnermut atortut annaaneqarsimasut aalisarnermut annertuumik akornutaarsarnerat ilisimagitsik, Halibut Greenlandip pisortaa Erik Siverthsen oqarpoq.
- Annerusumik qassutaarsiutit ningittakkersornermut akornutaasarnerat ilisimavarput, tamannalu aalisakkanut suliffissuarni tunisat appariarnerannik kinguneqartarpoq.
- Piniutaarsiutinik saliisoqareeraangat tunisat qaffariartarput, taamaattumik aalisartut immap naqqanik saliinissamut suliuniuteqartarnerat tamatsinnut iluaqutaavoq tapersersornarlunilu, pisortaq oqarpoq.
Halibut Greenland ApS Ilulissat eqqaani aalisarnermut atortunik annaaneqarsimasunik saliinermut siornatigut arlaleriarluni aningaasaliisareerpoq.
Akuersaarneqarsinnaanngitsoq
Januarimiit maji ilanngullugu Ilulissat eqqaani angallatit umiatsiaaqqallu Avannaata Kommuniata immikkut akuersissuteqarneratigut qassutit atorlugit aalisarsinnaatitaapput, ukiukkullu sikuutillugu qassutit annaaneqartut amerlanerusarput, taakkulu siaruaakkaangata, ningittagarsornermut aamma annertuumik akornutaalertarput. Taamaaligaangallu aalisakkat qaqinneqartartut ikileriartartut, IAPP-mi Halibut Greenlandimilu siulersuisuini siulittaasoq, Kaaleeraq Mathæussen oqarpoq.
Qeqertarsuup Tunuani aalisarfinni aalisarnerup akornuteqanngitsumik ataavartumik ingerlaannarnissaa qulakkeerusuttuaannarparput. Ningittakkat annaanagit qaqinnissaat kissaatiginartuaannarpoq, tamatigulli tamanna iluatsinneq ajorpoq, taanna oqarpoq.
Aalisarfinni aalisarnermut atortut annaaneqartartut annertuumik ajornartorsuutaalernikuusut, taamaattumillu ukiut tamaasa saliisarnissaq pisariaqartoq, Ilulissani Qaleralinniat Piniartullu Peqatigiiffianni, IQPP-mi siulittaasoq, Anthon Lindenhann, oqarpoq.
Ilulissat eqqaani aalisarnermut atortut annaaneqarsimasut salinneqarnissaannut Avatangiisinut Aningaasaateqarfiup aningaasatigut tapiissuteqarsimannginnera akuersaarneqarsinnaanngitsoq, siunissamilu taamatut pisoqaqqinnginnissaa qulakkeerniarlugu naalakkersuisoqarfiup aalisartullu peqatigiiffiisa akornanni qaninnerusumik suleqatigiittoqartariaqartoq, IAPP, IQPP SQAPK-lu isumaqarput.
Ukioq manna Paamiuni Nuummilu aalisarnermut atortunik annaaneqarsimasunik saliisoqarnissaanut aningaaliisoqarsimasoq, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik paasissutissiivoq.
Qassutaarsiutit ningittagarsiutillu Ilulissat eqqaani aalisarnermut aalisakkanillu tunisassiornermut akornutaanerat akiorniarlugu, Ilulissani aalisartut piniartullu peqatigiiffii IAPP aamma IQPP suleqatigiillutik junimi immap naqqani saliinermik annertuumik iluatsilluartumillu ingerlatsipput. Piniutaarsiutinillu saliinissap piviusunngortinneqarnissaa qulakkeerniarlugu Halibut Greenland ApS aamma North Atlantic Seafood A/S tamarmik immikkut 75.000 koruuninik, Ocean North 125.000 koruuninik kiisalu Sinerissap Qanittuani Aalisartut Piniartullu Kattuffiat, SQAPK, 25.000 koruuninik aningaasaliipput. Taassuma saniatigut Halibut Greenland-ip angallataatini marluk saliisoqarnissaanut akeqanngitsumik atukkiuppai.
Itigartinneqartut
Nunalerinermut, Imminut Pilersornermut, Nukissiuutinut Avatangiisinullu Naalakkersuisoq, Kalistat Lund, Inuit Ataqatigiit, aalisarnermut atortunik annaasanik qimaannakkanillu saliinissanut Avatangiisinut Aningaasaateqarfik aqqutingalugu 3 millioninit koruuninik 2023-mut siorna aningaasaliinikuuvoq. Kalaallit Nunaani avatagiisinut pitsanngorsaaniarluni sulianut pingaarutilinnut Avatangiisinut Aningaasaateqarfik tapiisartoq, tamannalu tulluusimaarutigigini Kalistat Lundip januarimi oqaatigaa.
Taamaakkaluartoq ukioq manna aalisarnermut atortunik annaasanik saliinissamut IAPP-p qinnuteqaataa itigartinneqarsimasoq, Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmiit paasissutissiissutigineqarpoq. Aammali SQAPK-p qinnuteqaataa itigartinneqarsimasoq, kattuffiup pisortaata oqaatigaa. Tamannalu Ilulissani aalisarnermik suliaqartunit sakkortuumik isornartorsiorneqarpoq.
Tunisassiornermut iluaqutaasoq
Aalisarfinni aalisarnermut atortut annaaneqarsimasut aalisarnermut annertuumik akornutaarsarnerat ilisimagitsik, Halibut Greenlandip pisortaa Erik Siverthsen oqarpoq.
- Annerusumik qassutaarsiutit ningittakkersornermut akornutaasarnerat ilisimavarput, tamannalu aalisakkanut suliffissuarni tunisat appariarnerannik kinguneqartarpoq.
- Piniutaarsiutinik saliisoqareeraangat tunisat qaffariartarput, taamaattumik aalisartut immap naqqanik saliinissamut suliuniuteqartarnerat tamatsinnut iluaqutaavoq tapersersornarlunilu, pisortaq oqarpoq.
Halibut Greenland ApS Ilulissat eqqaani aalisarnermut atortunik annaaneqarsimasunik saliinermut siornatigut arlaleriarluni aningaasaliisareerpoq.
Akuersaarneqarsinnaanngitsoq
Januarimiit maji ilanngullugu Ilulissat eqqaani angallatit umiatsiaaqqallu Avannaata Kommuniata immikkut akuersissuteqarneratigut qassutit atorlugit aalisarsinnaatitaapput, ukiukkullu sikuutillugu qassutit annaaneqartut amerlanerusarput, taakkulu siaruaakkaangata, ningittagarsornermut aamma annertuumik akornutaalertarput. Taamaaligaangallu aalisakkat qaqinneqartartut ikileriartartut, IAPP-mi Halibut Greenlandimilu siulersuisuini siulittaasoq, Kaaleeraq Mathæussen oqarpoq.
- Qeqertarsuup Tunuani aalisarfinni aalisarnerup akornuteqanngitsumik ataavartumik ingerlaannarnissaa qulakkeerusuttuaannarparput. Ningittakkat annaanagit qaqinnissaat kissaatiginartuaannarpoq, tamatigulli tamanna iluatsinneq ajorpoq, taanna oqarpoq.
- Aalisarfinni aalisarnermut atortut annaaneqartartut annertuumik ajornartorsuutaalernikuusut, taamaattumillu ukiut tamaasa saliisarnissaq pisariaqartoq, Ilulissani Qaleralinniat Piniartullu Peqatigiiffianni, IQPP-mi siulittaasoq, Anthon Lindenhann, oqarpoq.
Ilulissat eqqaani aalisarnermut atortut annaaneqarsimasut salinneqarnissaannut Avatangiisinut Aningaasaateqarfiup aningaasatigut tapiissuteqarsimannginnera akuersaarneqarsinnaanngitsoq, siunissamilu taamatut pisoqaqqinnginnissaa qulakkeerniarlugu naalakkersuisoqarfiup aalisartullu peqatigiiffiisa akornanni qaninnerusumik suleqatigiittoqartariaqartoq, IAPP, IQPP SQAPK-lu isumaqarput.
Ukioq manna Paamiuni Nuummilu aalisarnermut atortunik annaaneqarsimasunik saliisoqarnissaanut aningaaliisoqarsimasoq, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik paasissutissiivoq.