Aasaanerani coronamut akiuussusersuisoqassanngilaq
Peqqinnissaqarfimmi aasaanerani Covid-19-imut akiuussusersuisoqassanngilaq. Aasaanerani akiuussusertinnissamut piffissaq kingulleq tassaavoq tallimanngorneq 17. juni.
![Covid-19-imut akiuussusertilluni kapitiffissaq kingulleq tassaavoq tallimanngorneq 17. juni. Covid-19-imut aasaanerani akiuussusersuisoqassanngilaq.](https://image.sermitsiaq.ag/244845.webp?imageId=244845&width=960&height=642&format=jpg)
Aasaanerani nunanut allanut angalassavit Covid-19-imullu akiuussusertinnerit suli naammassisimanagu? Taava akiuussusertikkiartornissat maanna pilersaarusiulereertariaqarpat.
Covid-19-imut akiuussusertinnissamut periarfissaq kingulleq tassaavoq tallimanngorneq 17. juni. Nunatta nakorsaaneqarfia nittartakkamini taama ilisimatitsivoq.
- Ullup taassuma kingorna Peqqinnissaqarfik, aasaanerani isumalluutit killeqarnerat peqqutigalugu COVID-19-imut akiuussutissanik kapitinnissamut neqerooruteqarsinnaajunnaassaaq, ilisimatitsissutigineqarpoq.
Nunatta Nakorsaanera Henrik L. Hansen Sermitsiaq.AG-mut ilisimatitsivoq aasaq qaangiutereerpat akiuussusersuinerup qaqugu aallartinnissaanut pilersaarutit suli inissinngitsut. Ukiamulli akiuussusersuisoqaratarnissaanut pilersaarutit maanna inissinniarneqartut, aamma ilisimatitsissutigaa.
Immikkut akuersisoqarsinnaavoq
- Tassanngaannaq aallarnissaq imaluunniit assingusunik allanik pisoqarnissaa peqqutigalugu peqqissaaviit ataasiakkaat naammassinnissinnaassapput, kisiannili tunngaviusumik periarfissaq kingulleq tassaavoq tallimanngorneq 17. juni, nunatta nakorsaaneqarfia allappoq.
Nunat arlallit angalasut coronavirusimut akiuussusersimanissaat suli piumasaqaatigisarpaat.
Nunatta Nakorsaaneqarfiata innersuussutigaa angalasussat pisunut malinnaassasut, danskillu nunanut allanut ministeriaqarfiata nittartagaa alakkassagaat paasisaqarnerujumallutik.