Aasianni tigusarinninnermik suliaqartoqartoq
Aasianni politiit sioorasaarisoqarneranut suliamut atatillugu tigusarinninniarlutik suliaqarsimapput.
Annonse
Unnuap ingerlanerani Kalaallit Nunaanni Politiit Aasianni suliaqarput.
Pigaartut pisortaat Bent Johnsen, Sermitsiaq.AG-mut taama ilisimatitsivoq.
Sioorasaarisoqarneranut suliamut atatillugu politiit illoqarfimmi adressimut ornigupput.
Tassani politiit angummut isumaqatiginninniarput, tamatumalu kinguneranik illumit anilluni tigusarineqarpoq.
Pigaartut pisortaata oqarnera naapertorlugu tigusarinninneq eqqissisimasumik pivoq.
Politiit ullaap tungaata ingerlanerani tigusarinninneq pillugu annerusumik oqaaseqarsinnaanissartik naatsorsuutigaat.