Aataarpassuit
Narsap avannaani Sermilimmi aataarpassuaqarpoq.
Annonse
- Aatsaat taama puisinik amerlatiisunik, amisuunngitsunik, takuvunga, assiliisoq John Rasmussen weekendimi Sermilimmi angalaarsimasoq oqaluttarpoq.
Puisit iluliamerngit qaavini seqinnisaarujoortut assiliisup assilisaqattaarsimavai, amerlanerit assiliivimminik 'pisaralugit', marlulli aallaallugit pisaralugit.
Aalisartoq Isak Vahl aperigatsinni kangerlummi sooq taama puiseqartiginera imaaliallaannaq nassuiaatissaqartinngilaa.
- Imaassinnaavoq aarlunnut qimaallutik tamaanga katersuussimasut, tassami Qaqortup eqqaani aarloqartoq tusaamagatsigu, aammali imaassinnaavoq piniagaavallaarunnaaramik malugusuttut, tassami ammit tunisaanerat uninngagallarpoq, isak Vahl oqaluttuarpoq.