Aatsitassat nakkutigineqanngillat
Inatsisartut suli aatsitassanut ataatsimiititaliaqanngillat
Kalaallit Nunaat 2010-ip ingerlanerani aatsitassat pillugit pingaarutilimmik aalajangiisussaavoq.
Skotlandimiut uuliasioqatigiiffiutaat Cairn Qeqertarsuup Tunuani tusarniaasoqareerpar aasaru misiliilluni qillerinissanut akuerineqartussaavoq, Kuannersuarnilu uranimut naaggaarluinnartoqassanersoq Inatsisartut ukiakkut ataatsimiinnerminni oqaluuserissavaat.
Kisianni atali.
– Sumiippat qinikkat aatsitassanik nakkutilliisussat, Inatsisartuni ilaasortaq Naaja Nathanielsen, Inuit Ataqatigiit, aperivoq.
Kalaallit Nunaanni Namminersorlutik Oqartussat aatsitassanut tunngasut 21. juni 2009-mi akisussaaffiit siullersaattut tigusinerata kingornatigut Aatsitassanut Ataatsimoorullugu Ataatsimititaliaq januarip aallaqqaataani atorunnaarsinneqarpoq.
Aatsitassanut Ataatsimoorullugu Ataatsimiititaliaq Folketingimi Inatsisartunilu ilaasortanik ilaasortaqarpoq folketingimi ilaasortaq Kim Andersen, Venstre, siulittaasoralugu, taannalu ilaatigut aatsitassanik Kalaallit Nunaata nunataaniittunik ujaasinissamut akuersissuteqartartussaallunilu piiaanissamut akuersissuteqartartussaavoq.
Inatsisartuni partiit tamarmik novemberip 25-ianni ataatsimoortumik Siulittaasoqarfimmut oqaaseqaateqarput aatsitassat pillugit ataatsimiititaliamik, aatsitassat tungaasigut ineriartornermik malinnaaffiginnittussamik pilersitsisoqarnissaa piumasaralugu.
Januarip aallaqqaataani pilersitsisoqarnissaa piumasarineqarluni, massakkullu Inatsisartut Siulittaasoqarfiup pilersitsisimannginnera naammagiinnarsinnaajunnaarpaat.
Inatsisartut marlunngornermi ataatsimiinneranni siulittaasup tulliisa pingajuat Finn Karlsen, Atassut, partiit aatsitassanut ataatsimiititaliamik pilersitsisoqarnissaanik piumasarisaat Siulittaasoqarfiup piaartumik naliliiffigissagaa neriorsuivoq.
Samtlige partier i Inatsisartut sendte den 25. november en fællesudtalelse til Formandsskabet med et krav om etableringen af et råstofudvalg, som skal følge udviklingen på det løfterige råstofområde.
Kravet var et råstofudvalg nedsat inden 1. januar, men intet er sket, og Inatsisartut har nu tabt tålmodigheden med Formandsskabet.