ADHD autismelu pillugit ataatsimeersuarnissaq
Ilulissat Kommuneat aamma PPR-Nord meeqqat inuusuttullu ADHD-mik, autismemik aammalu Aspergers Syndromimik nappaatillit pillugit ilisimasalinnik ataatsimeersuartitsiniarput.
Ataatsimeersuarneq, januarip 23-ianniit 25-iannut Ilulissani Hotel Icefiordimi ingerlanneqartussaq, Kalaallit Nunaannit tamarmit ilisimasalinnik 80-inik peqataaniarlutik nalunaarsimasunik peqataaffigineqassaaq.
Peqataasussat kommuninit makkunaneersuupput Ilulissat, Upernavik, Uummannaq, Qeqertarsuaq, Narsaq, Aasiaat, Sisimiut, Maniitsoq aamma Nuuk.
Ataatsimeersuarnermi siunertaavoq Kalaallit Nunaanni meeqqani inuusuttunilu ADHD-mik austismemillu nappaateqartunut ilisimasaqarnerup siammarsarnissaa. Inuit ilisimasallit annertunerusumik ilisimasaqarnissaq tamatigut pisariaqartittarpaat, ataatsimeersuarnermilu immikkut sammineqassapput perorsaanikkut suliniutit.
Aammattaaq siunertaavoq ilisimasallit, meeqqanik inuusuttunillu ADHD-mik autismemillu nappaatilinnik suliaqartut, akornanni attaveqartarnerup annertusarnissaa.
Ataatsimeersuarnermi qallunaat oqaasii atorneqassapput toqqaannartumik kalaallisut nutserisulerluni.
Ataatsimeersuarneq siulleq pivoq 2007-imi januarimi angajoqqaat ataatsimeersuartinneqarmata.